独家丨胡子彤“心仪”ANSONBEAN想演情侣 蔡思韵拍《失衡》被朱鉴然虐打

蔡思韵（Ceci）、胡子彤、朱鉴然（朱仔）及ANSONBEAN（陈毅燊）在惊栗电影《失衡凶间之罪与杀》单元《猫劫》中首度合作，戏中众人互相伤害，但现实相当老友。讲到访问当日的VIP非ANSONBEAN莫属，个个围住佢转，子彤仲点名要同呢粒可爱豆演情侣。采访：杜杜 摄影：罗安强 造型:Daniel Cheung(BEAN) 发型:Nick Lam@Orient4(Ceci)、Sam lo@orient4(子彤、朱仔)、Derek Li@Xenter　Salon(BEAN) 化妆:WiLL Wong(Ceci、子彤、朱仔)、Jenny Shih(BEAN) 服装:Gucci(Ceci)、Sandro Paris(子彤)、Sefr from Mr Porter(朱仔) 、Angel Chen studio by Lane Crawford(BEAN) 场地: WESTART

Ceci、ANSONBEAN、朱仔和子彤第一次合作，可惜相处时间太短。

子彤和朱仔虽然认识多年，但第一次有较多对手戏，仲有机会打对方。

Ceci和BEAN戏中一齐做猫义工，有不少对手戏。

Ceci、子彤、朱仔都觉得初次拍戏的BEAN好鬼cute，例如讲到戏中Ceci和BEAN有“全黑猫眼人”造型，BEAN认为唔算特别，因为自己平时都系咁。“我都会着到成身黑色，行山路会危险，我都会咁着。”全场吓一吓再一齐大笑，一班哥哥姐姐忍唔住出手，Ceci耐心向BEAN触释，“应该系着彩色衫，惊有咩事人哋睇到你嘛！系咪学到嘢？好嘢！”子彤亦补充，“着彩色啲，就好似反光衣嘅原理要俾人见到。”BEAN听完明白晒，“又好似系㖞！”子彤忍唔住赞，“佢真系好cute呀！”

4人访问似朋友倾偈，完全讲唔停好鬼high。

Ceci和BEAN有“全黑猫眼人”造型，有点超级英雄feel。

子彤打女人好难落手

戏中Ceci要被子彤和朱仔虐待，子彤就笑言：“真虐待，完全冇留手。”唔怕Ceci男友刘俊谦报仇？朱仔得戚表示：“刘俊谦系专业嘅演员又点会报仇呢？系会嫌演得唔够。”不过子彤承认对女拍档郁手确实困难，“打人𠮶个永远惊过俾人打。”Ceci就强调制作单位好专业，“有好多安全措施，同有专人指导，我被打都觉得好安心。”

Ceci和朱仔戏中会互相伤害，后者唔担心刘俊谦为女友报仇。

子彤会有虐待Ceci的场口，他笑言完全冇留手。

由于今次只是单元故事，4人都觉得合作未够喉，子彤对跟可爱的BEAN交流机会不多大叹可惜，“想同BEAN可以多啲同场，演乜戏都得。（情侣得唔得？）都得，佢咁cute唔系唔沟佢嘛！”对被子彤“厚爱”BEAN笑得有啲尴尬，他即解释，“我冇呀！”叫BEAN即场拣另一半，他答得爽快，“子彤囉！”被礼尚往来的子彤即尖叫劲开心，场面搞笑！

动作戏事前有好多排练，所以Ceci被打都好安心。

初次演戏的BEAN，开拍前虽有上鸡精班学戏，但埋位即紧张到完全忘记。

《星岛头条》新网站有更多精彩内容：http://www.stheadline.com/