肥妈李鼎丨鼎爷为生命中最重要的女人泪洒人前 肥妈同仔女讲定遗产去向
由 Maria Cordero(肥妈)、李家鼎(鼎爷)及游嘉欣(游游)担任主持的《肥妈李鼎》今晚(10 日)播出的第 9 集,主题是“父母唔易做”,育有六个仔女的肥妈被游嘉欣问会否为孙儿留积蓄时,肥妈直率谓:“我同仔女讲,如果我在生时使晒就真系 Sorry,如果我使唔晒留番畀你,你就 Lucky。”
【点击睇《肥妈李鼎》精彩内容】:
在节目开始时,肥妈炮制出仔女儿时最爱的牛碎肉番茄薯仔汤,有菜有肉够晒健康,她笑言:“凑大六个容乜易啫,一煲过一镬熟。”她又透露儿时食唔少藤条炆猪肉,她说:“老窦唔打人,得我妈打人,所以我跟我妈学买藤条,净系打屁股,其实打完我自己匿埋喊。”肥妈续爆笑料,她说:
“后来打嚟打去佢都唔惊㖞,我问点解唔惊,佢话因为我系你亲生,你唔会打死我架嘛。”肥妈后来知道打系冇用,改以“烦音”攻击,她笑言:“后来我捉住佢倾半个钟头以上,佢就喊晒话:‘你唔好同我倾偈,你打我算啦!’”
鼎爷则坦言“讲起阿妈就流眼泪”,并举了一个觉得妈妈悭家又伟大的例子:“以前我细佬只脚唔小心断咗,去睇某个中医,中医话呢只药一定要揾猪脚筋垫药,我妈就喺收市前去巡,2 毫子𠮶啲变咗 3 毫子两份,真系行足三个钟头……”说到此时,外表硬净的鼎爷落下男儿泪,并自责谓:“𠮶时我做咗啲嘢对我妈唔住…….有时我会顶撞佢……”
游嘉欣今集再献出人生第一次,首尝豆腐花捞饭,本来她不敢放入口,但品尝过后直呼:“你唔讲我唔觉得系食紧豆腐花,震撼咗我五官!”三人闲聊期间,她又问肥妈及鼎爷会否为孙儿留积蓄时,肥妈直率谓:“我同仔女讲,如果我在生时使晒就真系 Sorry,如果我使唔晒留番畀你,你就 Lucky。”肥妈又问游嘉欣有事会否跟父母商量,她坦言:“真系唔会,好多时觉得佢哋思想太保守,我同佢哋讲依家嘅嘢,其实佢哋唔会明,就好似你讲你哋年代嘅嘢,我都系唔会明。”
不过肥妈就话家族几代人关系亲密,孙仔更会请教她“点样飞咗条女”,她还自爆会带孙夜蒲:“第一个带啲孙出去蒲𠮶个系我,几代人都系由我带,你估兰桂坊得你哋蒲呀?我蒲𠮶时你哋都未出世啦!”
>>>立即浏览【移民百答】栏目:新移民抵埗攻略,老华侨也未必知道的事,移民、工作、居住、食玩买、交通、报税、银行、福利、生育、教育。
>>>即读【新移民专栏】:新移民第一身经验,与你分享当下年轻移民生活日常大小事,即读“新移民专栏”。
iPhone:https://apple.co/2IBi812
Android:https://bit.ly/2Pe8anu
>>>订阅【加拿大星岛网电邮快讯】,每天可收到最快新闻资讯电邮:
https://www.singtao.ca/subscribe/singtao.php
>>>立即关注加拿大星岛新闻网TG Channel,让加国新闻无遗漏全天候向你推送:
https://t.me/singtaoca
>>>订阅CCUE YouTube 频道,查看更多吃喝玩乐、生活资讯影片。