独家丨蒋祖曼晒命有老公煮饭等收工 见证张颕康由百厌仔变顾家好爸爸

蒋祖曼（Joman）在剧集《法言人》中饰演铁面无私，外表冷傲的“钉官”，跟演律师的张颕康“翁雄”CP成功入屋。两人早于15年前拍电影《围城》已结缘，见证对方成长的Joman笑住踼爆张颕康：“以前佢好百厌，古灵精怪咁，𠵱家个人阳光咗。”Joman坦言亦有幸福家庭做最强后盾。 采访：方骞平 摄影：邓国良

Joman公私分明，工作时全情投入唔会挂住屋企。

Joman会全情投入工作。

Joman坦承系生在福中。

蒋祖曼系好戏之人。

蒋祖曼拍《法言人》最难顶要面对搞笑对手张颕康，搞到她经常笑出声，“拍拖手过马路重点戏，本身系好浪漫，戏外佢系咁引我笑，对住佢个样真系拍得好‘辛苦’，另一场戏去农庄取景，阿康竟然带埋高尔夫球棍嚟，话要试吓啲草皮好唔好，佢真搞笑。”

拖手过马路重点戏，阿康系咁引Joman笑。

15年后再合作，Joman激赞张颕康愈来愈好。

剧中演严厉嘅“钉官”。

Joman大赞阿康系好好先生，见他有个美满家庭亦好欣慰。而Joman与电影幕后陈卓麒结婚近10年，两公婆无声胜有声：“老公唔浪漫，亦唔系好讲嘢，但作为行内人明白到大家做紧乜，精神上支持已好ok，我开工时佢会keep住煮饭我食，(无微不至呀)ok啦…哈！人就系咁(身在福中不知福)。反而妹妹可可系我忠粉，会等睇我嘅戏。”

从事电影幕后的老公好支持Joman发展演艺事业。

Joman有个安稳家庭，工作无后顾之忧。

张颕康系Joman口中嘅好好先生，全心全意照顾家庭。

仲系好爸爸。

唔反对继子入行

至于哥哥Day仔(已故前妻所生)快将18岁：“青少年有自己一套睇法，只要佢揾到自己钟意嘅嘢，知道自己做紧乜，我都会支持佢。”她指Day仔系学校剧社成员，又学紧乐器，问到可会反对继子入行？Joman持开明态度：“绝对唔会，如果佢真系感兴趣，我仲会带佢视察吓呢行环境，了解吓拍嘢流程，但我一定唔会帮佢安排机会，其实做乜嘢最后都要靠返自己，要努力争取机会，佢见我拍嘢都知道做艺人好辛苦。”

快将18岁的Day仔，有做艺人条件。

两公婆互相支持，老公陈卓麒会煮定饭等她收工。

一对子女好生性。

Day仔好照顾妹妹可可。

 《星岛头条》APP经已推出最新版本，请立即更新，浏览更精彩内容：http://www.stheadline.com/