【曾智华专栏】大仓肯收的低班马

资深马迷每次赛后必定会做功课，从经验中吸取智慧（或教训），如此未来日子才可以趋吉避凶，输少一点，或赢返多少。

其中少少智慧，早前《赛马日在线》节目中，主持也有指出，正是“大仓肯收低班马”，若这现象发生，必须留神，肯定事出有因。

众所周知，香港几个大马房，包括蔡、姚、罗、沈、方及告，全部爆仓，有六十几匹马。每个马格都是“宝”，只留来畀有潜质的新马，又或替厩主掘金的高班马。所以，佢哋会不停游说马主将稍差的马退役，又或“唔该借歪揾第二个”，此乃正常现象。

所以，若上述几个马房突然肯收一匹五班马，背后原因必定不寻常。其中有两个可能：一、肯收一只“垃圾马”，马主会拉多几只高班加盟；二、只马仍有得赢，只不过上手练马师水蛋。

举例，两个月前罗富全竟肯收只三十三分，九场九负，未W过的五班马“阳光传奇”。

点解？一转饭镬上阵即有解释！完全唔使大师傅，安排本地姜梁家俊策骑，一入直路已知赢硬，近七倍杀W。

上手练马师高伯新真系“情何以堪”！此马只得四岁，若罗富全唔扫佢走，即仍有W在手！

另一个黎昭升也犀利，玩一只来自叶厩，未W过的“陆知”，竟可跑八场，摘下三W两Q一P。小弟必须承认，季初睇错咗佢，原来是非常有料的高手，睇佢马房宝藏之多，下季必将大放异彩！

“陆知”还有几多上升空间唔知，只知上手练马师一Q都撚唔出，真系……唉！今晚食泥，兴趣不大，照玩！

10蚊注WP买两只五班马，纯观察。一、“顺利取胜”，蔡神仙冇扫佢走，应有揸拿！二、“小玩家”，看看黎昭升能否再变魔术！