独家丨82岁郑国江开心填词作品帮到人 隐蔽青年听陈百强歌曲有返目标
著名填词人郑国江继2016年举行入行45周年演唱会后，本月底将举行4场作品展《郑国江50+2词名一生演唱会》，庆祝入行52年，而演唱会因疫情而改期多年，幸好一班歌手老友都肯辛苦度期支持，令郑老师很感动。多年来填词作品超过2000首的他，最感动能够借着歌曲帮到人。采访：杜杜
郑老师在2016年已举行过4场《郑国江45周年名曲 巨星演唱会2016》，原本2021年举行的作品展是庆祝50周年，可惜因为疫情而改期，“因为伊馆变成疫苗中心，所以都搞唔到，结果推到今年，演唱会由‘50’变做‘50+2’，其实都冇所谓，当初都系担心自己今年都82岁，身体撑唔撑得到，幸好呢两年都仲OK，系耳仔差啲。”
感激歌手辛苦度期
演唱会不断改期，郑老师最感动林子祥、谭咏麟和陈洁灵等超过15位歌手，依然一呼百应答应演出，“其实通咗关之后，佢哋个个都好忙，大家都有好多演出机会，度期仲难啲，但系佢哋个个都好好，我一开声佢哋都话会尽量度，就算去咗其他地方工作，都专登返嚟一日帮手，真系好感激佢哋。”
曾是小学老师的郑老师，参与填词工作超过半世纪，作品超过2000首歌，他坦承很难选择当中最爱，但作品能够影响到人绝对是最大收获，“试过几年前跟太太去尖沙咀饮茶，遇到个年轻人，佢原来系我学生嚟，佢话好多谢我帮咗佢，我当时以为我教过佢，佢呢啲系客套说话，后尾佢话原来佢曾经系隐蔽青年，过咗一段好黑暗嘅日子，直到有日佢听收音机听到我为陈百强写嘅《飞出去》，畀歌词启发咗，之后肯积极做人去揾工作，仲同父母关系变好。”不过最搞笑是郑老师最初都忘记自己有这首作品，“佢同我讲时都唔记得咗有呢首歌，后尾查返先知系陈百强好早期嘅作品，但听到自己嘅歌可以帮到人，真系觉得好有意思好值得。”
《星岛头条》新网站有更多精彩内容：http://www.stheadline.com/
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
