独家丨周吉佩多谢网民负评想做曾志伟爱驹 最穷户口得两位数要问旧爱借钱

周吉佩(吉吉)以“死唔断气”精神，在《中年好声音登峯之战》胜出。被指爆冷夺冠的他，形容自己似足去年澳门打毗赛，曾志伟爱驹“不醉无归”从后居上赢马的状况，吉吉坦言想成为志伟嘅爱驹：“我成世人都系喺落后位置，多谢志伟哥举办《中年好声音》节目，令我有追上嚟嘅机会。”采访：方骞平 摄影：谭志光

周吉佩成为《中年好声音》冠军，得来不易。

吉吉都几有观众缘。

吉吉冇谂过系咪“虚火”，只求见步行步。

吉吉最委屈，莫过当年网民用粗口闹他。

最霉时都受过白眼。

周吉佩在比赛当晚分数由头带到尾最后Win埋，他觉得难以置信及好梦幻，又指之前有几round失准得好紧要，甚至冇晒信心，连自己都觉得foul硬：“做乜啫，唱到咁？”他答得老实称自己赢在侥幸，正如前辈所讲，比赛如跑马，状态好紧要，他志在参与一个party，豁出去之后反而有超水准表现。对于无线总经理曾志伟为他平反“造马疑云”，吉吉称他对6强都好好，更称志伟的爱驹“不醉无归”好似自己：“喺志伟哥70大寿生日会上，重温去年‘不醉无归’参加澳门打毗赛嘅精彩片段，片中‘不醉无归’曾转弯失蹄以致失位，但去到直路修正仍以超级姿态赢马，而我今次亦唔信自己会跑赢，以为自己排最后，原来真系有爆冷嘅可能性，亦希望大家睇到我嘅实力。”

周吉佩感激曾志伟举办《中年好声年》节目，令他能“咸鱼翻生”。

吉吉喺曾志伟70岁生日会上，睇到佢爱驹参加澳门打毗赛从后居上赢马片段。

周吉佩曾演出失准，凭复活战才能“翻生”，且愈战愈勇。

最后6强，周吉佩、李佳、龙婷、吴大强、罗启豪、颜志恒。

吉吉唔止唱功好观众缘都唔错，公开演出获铁粉应援。

“死唔断气”难听过粗口

36岁嘅吉吉追梦星途大起大落，2007年22岁时参加有线《线动真音乐全港公开赛》夺得亚军受力捧，参赛后第二年就推出EP，以为从此有运行原来是“一碟歌手”，死心不息的他跟朋友组乐队sp’ACE。入行15年来受过唔少白眼，连公司reception都睇佢唔起：“我得奖时佢哋有同我打招呼，离开公司𠮶日，当唔识我，𠮶刻明白到Nobody系唔会得到尊重。”歌星梦碎后令他经历一段黑暗日子，“惯咗做‘明星’成日搭的士出入，最㶶时银行得返60几蚊，要揾前女友赊住一百蚊，冇钱惟有颓喺屋企，嫲嫲、爷爷见我冇工开都好担心，真系连自己都睇唔起自己。”

2015年吉吉组乐队sp'ACE再出过一张EP，2019年于麦花臣举办sp'ACE《Our Gravity》演唱会，乐队翌年解散。

sp'ACE 2019年《Our Gravity演唱会》。

吉吉曾推出个人EP《Getting Start》。

2007年，吉吉曾参加有线《线动真音乐全港歌唱大赛》夺亚军入行，当年冠军是陈皓恩，季军曹敏宝。

汪东城、唐禹哲、 周吉佩当年公开活动相遇。

曾跟 阎奕格参加歌唱比赛。

至于最委屈，莫过于网民用粗口闹他，“话我系奀星都叫识得我，见我再组乐队，话我‘死唔断气’、‘要红都红咗啦。’真系难听过粗口”，不过经历过谷底生活的吉吉坦言“如果唔系有咁嘅经歴，可能仲系好颓，又真系死唔断气先有今日，所以做人真系要争气，要坚持。”谂通晒的他更会记住所有负评，“唔系记仇，会记住闹我嘅不足，咪做好啲我嘅嘢，用行动回报评论，亦可以成为小朋友教材，真系要多谢当日话我死唔断气嘅网民。”

有过谷底经历，吉吉向老婆黄彦欣承诺，会先照顾好家庭才去追梦。

吉吉有幸福家庭，唔再好似以前咁任性。

曾获谭咏麟赠言要斗长命

人生重现光彩的吉吉好感激谭咏麟当年嘅鼓励：“当日喺有线大厦我送过唱片畀佢，佢赞我把声几好，叫我加油，之后喺黎瑞恩红馆后台又相遇，校长对我有印象，叮嘱我‘呢行系斗长命，唔好放弃’。校长嘅格言，好听系斗长命，其实同样系带出死唔断气另一个意义；至于黎瑞恩不单当年畀机会sp’ACE做佢红馆个唱表演嘉宾，仲教我要饮水思源及谦虚。”吉吉坦言唔知呢次会唔会系‘虚火’，可能好似当年一样转头落返嚟，经验之谈叫佢唔好谂得太长远，一步步行做好𠵱家先。

周吉佩多谢谭咏麟当年的赠言。

黎瑞恩系吉吉大恩人，当年畀机会sp'ACE做她红馆个唱表演嘉宾，还教他做人道理。

童年吉吉几精灵可爱。

《星岛头条》APP经已推出最新版本，请立即更新，浏览更精彩内容：http://www.stheadline.com/