Star Talk丨周吉佩经历3次低潮企窗边“想就咁算” 大爆太太口不对心举动
《中年好声音》总冠军周吉佩（吉吉）日前接受无线娱乐新闻台主持许文轩（Edmond）《Star Talk》专访，畅谈获奖后的感受及展望、加入演艺圈后的高低起跌、走出情绪低谷的经过，并按 Edmond 要求细数《中年好声音》三位值得学习对象——吴大强（Bill哥哥）、龙婷及支喾仪（Venus）。
【相关阅读】：中年好声音｜罗启豪自爆最新去向！罕谈猛料母亲与方逸华关系
【点击睇周吉佩回顾《中年好声音》心路历程】：
谈到年届 71岁的Bill哥哥，吉吉最佩服对方精力依然旺盛：“佢好有风采好潇洒，有时我哋彩排到凌晨一、两点，我行埋去问佢攰唔攰，佢次次都话：‘攰咩？’佢系真犀利，有时我哋喺度休息，佢就去咗电视城四围行，𠮶次肥妈演唱会，佢又系四围行。”至于龙婷，吉吉最欣赏对方有自信、有想法及了解自己；而Venus令吉吉最欣赏的地方是其正向思想：“佢面对唔好嘅评语都可以好从容，佢畀人话对眼生得好埋，仲特登影张相摆出嚟笑番自己，我好佩服佢 EQ，佢成日话：‘我哋做生意经历唔少风浪，呢啲冇乜嘢。’”之后吉吉再谈及认识了十多年、大家一起成长的好友曹敏宝，吉吉指二人从开始到现在都是打打闹闹地相处，并笑指除了在《中年》获奖一刻，宝宝于吉吉当年的婚礼也有哭，有时甚至比吉吉太太哭得还多。
懂得欣赏身边人的吉吉，一路走来不易，并经历了三起三跌。21 岁那年，吉吉因在电视台举行的歌唱比赛中获得亚军投身演艺圈，可惜因未做好当艺人的心理准备，吉吉出了一只碟后便和公司结束合作关系，吉吉形容当时是“人生第一次梦醒”。之后吉吉与之前夹开的音乐发烧友组成乐队sp'ACE，于2015年获唱片公司赏识签约，并于2019年在旺角麦花臣球场开演唱会；可惜sp'ACE 最终因意见不合解散，令吉吉再度陷入低潮，心身亦先后出现问题：“有日我企喺窗边，望望吓觉得自己人生咩都失败，做乜都唔顺，我问自己仲坚持嚟做乜，𠮶吓有少少想就咁算，又有一日我临瞓前突然（觉得）好似有个人用手压住我个心咁，唔系好唞到气。”
幸好吉吉有及时意识到问题，并靠家人的支持及陪伴走出阴霾。第三个低潮，是吉吉自获得《中年》总冠军后，一直备受爆冷传闻困扰，吉吉虽曾因而影响自信甚至失眠，但却没有被击倒，见惯风浪的他立定决心先把现在做好：“以前初出道好天真，觉得25岁要有自己嘅演唱会，当年我得21岁，又谂住几时要买到楼。依家我冇谂咁远，都唔会谂仲有冇人钟意自己，而系先做好表演，脚踏实地先。”吉吉更强调“吉士粉”是鞭策他做得更好的最大动力，并感谢粉丝沿路上的踊跃支持。另外吉吉还点名感谢了黎瑞恩：“佢成日教我哋好多嘢，教我哋做人要谦虚同埋要准时。佢又畀机会sp'ACE 喺红馆唱咗一只我哋自己嘅歌，我谂我人生再冇可能有呢啲机会。”
谈到太太，吉吉笑言比赛初期太太黄彦欣不但没有亲临录影厂支持，甚至对于吉吉出门参赛也是零反应。直到吉吉得到“复活”机会，阿欣才由冷淡转为支持，不但对吉吉嘘寒问暖，更落手落脚为吉吉拣选出赛歌。主持Edmond笑问吉吉太太是否“口不对心”类型、明明支持却扮作不支持时，吉吉竟反应很大断言：“你唔使帮佢讲好说话喇，佢系直到觉得原来仲有人欣赏我，态度先180度转变。”谈到决赛当晚的快歌环节，吉吉透露原本并非选唱《跳舞街》：“本身我系好理所当然谂咗要弹电结他，第一只谂嘅系《红色跑车》，后来唔拣系我问自己点解个个最后一round都有突破而我要咁safe？我觉得我要试一啲完全未试过嘅嘢，先对自己有完整交代，所以我同制作组讲要搏尽无悔，唔得我都要试。”
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
