独家丨周祉君罗浩铭赞古仔系好老板 李凯贤拍《俏郎君》向黑哥喷口水

古天乐公司旗下艺人周祉君(Aaron)、罗浩铭(Ken)、李凯贤(Brian)有份演出ViuTV剧《极度俏郎君》，组合廿四味成员Brian最难忘向姜皓文(黑哥)喷口水；Ken唔使晒肌，但要对住黑哥流男儿泪；而Aaron就会有动作镜头，仲跟张慧仪有感情戏。采访：方骞平 摄影：罗安强 化妆：Manman Fong(罗浩铭、李凯贤) Wasabi Cheung(周祉君) 发型：Handsome Factory Barbershop(罗浩铭、李凯贤) Larry Ho @ aveda ilcolpo(周祉君)服装：CRAFTMAN(罗浩铭、周祉君) 8FIVE2(李凯贤)

周祉君(左起)、罗浩铭、李凯贤有份拍ViuTV剧《极度俏郎君》。

周祉君(左起)、罗浩铭、李凯贤好合拍。

周祉君(左起)、罗浩铭、李凯贤合作愉快。

周祉君喺新剧有发挥。

李凯贤系型男。

罗浩铭收起肌肉拍喊戏大感困难。

三人好珍惜跟黑哥的合作机会，亦开心从他身上获益良多，Brian多年前跟黑哥曾合作电影《全力扣杀》，所以都有偈倾：“剧中我以为佢整跛咗我只脚，有场戏讲我揾佢报复，喺条街扯佢件衫大声闹佢，火遮眼喷到佢一面口水。呢场戏导演都话好自然流畅，口水花四溅可以接受到，但疫情下难免会令人有啲避忌，不过黑哥好专业，零投诉。”Ken取笑Brian：“你梗ok啦，人哋尴尬啫。”

剧中Brian激动向黑哥大喷口水。

古天乐支持Brian多创作短片。

黑哥身上获益良多

Ken饰演跟黑哥多年的好兄弟，接黑哥出狱时，要他激动流泪，要平日习武的Ken收起肌肉拍喊戏大感困难：“因为喊唔出，NG咗好多次，最后设法令到自己眼都干埋流眼水，最惨之后要转角度拍。我喺黑哥身上学会专业，佢可以Keep住情绪，下一秒就能爆喊，好犀利。”曾做过替身嘅Aaron，有场戏要喺货车上用枪伏击黑哥，可大展身手。另外，三人均大赞古天乐系一位好有诚意的好老板，唔止经常为佢哋争取工作机会，仲会鼓励他们作多方面发展，如支持Ken做动作设计及电影策划，甚至有好剧本可以掟出嚟研究，Aaron说：“古生想我哋有独立性及自信，咁先有力量帮我哋推出去。”

Aaron跟张慧仪有感情戏。

Ken收起六块腹肌，演男人感情戏更有难度。

操到一身腹肌嘅Ken都有做武指。

古天乐系大家公认嘅好老板。

疫情高峯后，今年古仔举行公司春茗，要求所有艺人都出席联谊。

《星岛头条》APP经已推出最新版本，请立即更新，浏览更精彩内容：http://www.stheadline.com/