独家丨陈湛文连环整伤对手Lokman都有份 伍咏诗拍《命案》要五花大绑惨过被打

陈湛文（Peter）和伍咏诗（Sze Sze）在电影《命案》中首度合作，戏中两人有见血肉搏戏，由于角色关系，Peter在片中有大量动作场口，曾试过误伤对手，用错力后学精先未有再伤Sze Sze 。对于难得跟前辈林家栋合作，两人都大赞学到嘢。采访：杜杜 摄影：朱伟彦　伍咏诗(发型: Candace Vo@HairCulture化妆:Sakura Chow 服装: Sandro) 陈湛文(发型及化妆: Lisa C. Makeup Art服饰: CLUB MONACO、New Balance、eye’s Buddy)

26岁的Sze Sze戏中好赌经常流连投注站，现实她只在18岁生日去过一次。

Sze Sze演凤姐，经常着小背心及短裙演出。

Peter和 Sze Sze得知接拍《命案》既紧张又期待，因为可以跟监制杜琪峯、导演郑保瑞和林家栋合作，当时拍完《三夫》后曾转行的Peter更作出重大决定，“𠮶时我做紧主题公园嘅全职，一听到个班底谂都唔谂，我要辞职啦，哈哈！”

Peter惊讶初次合作的郑保瑞导演好温柔，唔似陈果一样是魔鬼导演。

电影中Peter以动作表达多于对白，对他是一大挑战。

家栋懒理腰患继续打

为应付戏中动作场口，Peter和Sze Sze开拍前已接受动作指导训练，但到拍摄时一样好难应付。Peter说：“最惊勉强用死力会整伤对手，但拍出嚟又冇效果，咁就大镬！开镜头一、两组，我要对付大欣（黄呈欣）(戏中饰演凤姐)，大欣咪就系俾我舂到呕，个头俾我舂到肿咗𠻹！哈哈！”Peter仲笑Sze Sze系第二个拍，“你要多谢大欣帮你挡咗一劫，Lokman都受咗我唔少真力！好彩佢有跆拳底。”Sze Sze最深刻则是被Peter五花大绑戏份，“连休息都要绑住又黐住胶纸，唔甩得𠮶种感觉，较打戏更辛苦，不过亦帮到投入角色。”

被Peter打到呕的黄呈欣（左一），早前跟Peter和Sze Sze出席《命案》记者会。

Sze Sze戏中被Peter五花大绑，仲要畀胶纸封嘴。

两人又大赞跟前辈林家栋合作学到嘢。Sze Sze说：“有场戏同家栋和Lokman拍，我要试唔同take畀导演拣，家栋每个take都同我对戏，令我好紧张同唔好意思，呢个前辈真系好提携新人。”Peter有场戏跟Lokman对打，林家栋从旁指导，“佢惊我哋受伤，好愿意分享点样令到件事更逼真，对方又唔会受伤，另外有场戏我要掹开家栋哥，咁啱佢瞓低个位撞到摄影机条轨，事后我哋先知佢本身有腰患，但佢喷完止痛剂休息咗20分钟，就埋位继续做动作戏，佢唔系用言语嚟教，系身体力行话畀我听点做。”

Sze Sze和Peter都大赞前辈林家栋，非常照顾后辈。

《星岛头条》新网站有更多精彩内容：http://www.stheadline.com/