落单半小时未上菜 恶客狂闹收银员：你企楼面就要受气 网民睇唔过眼｜Juicy叮
一对男女到沙田愉翠商场一餐厅准备用膳，疑不满落单后半小时未上菜，截单离开时，该名女食客迁怒餐厅收银员，肆意指骂，气燄嚣张地抛下金句“你企楼面就要受气”后拂袖而去，令同场顾客侧目。网民看不过眼女子的行为，大闹“无理取闹”，指“关收银乜事”、“畀几廿蚊当自己大客”。
楼主昨日（23日）在facebook讨论区“香港茶餐厅及美食关注组”上载长约18秒的短片时附上事件背景，指该对男女“落咗单半粒钟冇嘢到要cut单冇问题，但系又揾收银姐姐发泄怒火无理取闹”，并形容女子抛下的“你企楼面就要受气”真系金句嚟。
女食客与收银员对答实录：
收银员：“你系咁闹我做乜嘢啫？”
女食客：“服务态度咁差！”
收银员：“唔系我炒㗎！”
女食客：“咁你对客㗎嘛，对客系咪咁样呀！”
收银员：“你黐线，咁客系客，你唔可以闹我㗎嘛！”
女食客：“咩叫唔可以闹你，你企楼面就要受气，话畀你听！”
女食客：“哈，你对客㗎嘛依家！”
恶客怒骂收银员逐格睇及网民回应：
回应的网民出来主持公道，指事件“关收银乜事”、“畀几个钱要揾人出气”：
“压力大”、
“无理取闹”、
“真系冇品”、
“推到道歉”、
“无同理心”、
“抵佢出名”、
“心理有问题”、
“好大嘅官威”、
“收银只负责收银”、
“都唔关收银事㗎”、
“寃有头，债有主”、
“畀几个钱要揾人出气”、
“畀几廿蚊当自己大客”、
“又扮晒大爷，自己煮啦”、
“曲型香港人，特别系港女”、
“以为自己畀紧几千蚊一餐”、
“真系无家教。骂人手指指”、
“做人！其实人品都重要㗎”、
“闹收银有乜用，又唔系佢煮”、
“畀几十蚊食嘢仲要揾人出气”、
“佢哋应该以后餐餐食鱼生唔使煮”、
“有本事就直冲入厨房閙个厨师嘛”、
“遇着假期惠顾餐厅是要等半小时的”、
“记住有钱无钱都要有品，学懂尊重”、
“几十蚊净系买个餐㗎，唔包畀你闹”、
“一啲都唔尊重前线嘅人员不知所谓”、
“呢个女人D仔女真系唔好做饮食业呀”、
“点解唔去揾经理，喺度闹收银有何用”、
“畀茶餐厅价钱要五星级服务，西客多的是”、
“人哋打工做服务，有本事入厨房Ｘ厨房佬”、
“对客就要受气，即系妳畀钱就可以揾人嚟出气”、
“听佢两公婆啲语气，我以为佢买咗十几万嘢食添”、
“做工唔包括受气，那大妈骂收银女士真是无理取闹”、
“我打工要受你个客气咩。公司畀很多钱睇心理医生咩”、
“现在乜人都有，只顾自己，乜嘢叫做这行就要受人气”、
“系闹经理，经理再闹返厨房同服务员，闹个收银仔有咩用”、
“如果唔系集团式， 系个体户食店， 个客肯定畀人插到出门口”、
“香港真系好多呢种人，无论咩场合都虾d以为比自己低级嘅人”、
“佢够姜咪踩入厨房囉，又唔敢得罪啲厨房佬，净系识虾啲阿姐”、
“乜嘢叫做坐得呢个位就预咗被人闹，咁呢位女仕返工有无预带埋阿妈返工？”、
“Cut单就cut单啦，楼面姐姐都控制唔到厨房出菜快慢，够胆就踩入厨房嘈，畀果少少钱当自己大爷咁”、
“可以向经理投诉，同时在网上说出来，叫其他人尽量不要帮亲此店。一但闹人，就是你哋唔对，无得讲”、
“闹楼面无用，系厨房做唔切，退单都得，想点呢，难道斟茶叩头咩，大家包容吓啦，一时冲动无益打埋人，靶都有得受”、
“其实顾客同食店员工地位都系平等，乜嘢叫“你楼面就要受气”？讲𠮶个有冇用过个脑？己所不欲，勿施于人呀！太太！”、
“哇，什么意思噢，做饮食不是人吗？干嘛要受气？ 如果客户是对我们饮食业的同行都会道歉，但是这一句话就得罪所有饮食业的员工，杯葛你无理取闹，不会尊重他人行业， 有时候真的不能等就不要下单，赶时间不要排队”、
“大家尊重大家…食客虽系畀钱方…但食肆员工同为打工人…楼面亦唔系固定要受食客脾气…疫情后外加消费券压力…而公司一般无增添人手…食肆前线员工亦系唔好受…厨房以往2人工作量变为1人工作…互相理解…就少好多争执…等得耐…可以取消…无问题嘎…一食肆厨房员工…走过路过…留下一则感受…”。
恶客怒骂收银员逐格睇及网民回应：
另有网民讨论等半小时未上菜的问题：
“半粒钟系过份咗嘅”、
“好似叫焗饭，要半粒钟左右”、
“晚市等半小时都好正路啫，又唔系唔煮畀你”、
“等半个钟又真系太夸张！但系都唔洗咁嘈嘅！”、
“赶咪屋企食杯面囉！半个钟话耐唔耐啦！如果个场系Full（满），问过有做仅我唔会再追”、
“正常客落order时， 最好讲清楚要好耐， 我食个间系咁样， 结果我等咗45mins先到， 我又无嘢， 明白繁忙时间多单”、
“我都试过开工放饭系外卖档叫咗外卖，出晒啲先嚟后到嘅小食单，45分钟先开始炒个饭畀我，Ｘ有咩用，唯有系以后唔帮衬嘅啫”、
“外卖企半个钟等，又的确好考耐性，唔系人人都忍到，如果后过你张单的出先（有时有啲厨会就自己方便，未必顺张单的次序煮），会更嬲”、
“外卖半个钟系几本， 唔等得嘅自己去7仔买三文治！落单先后次序唔等于取外卖先后次序， 唔通第一个买咗十样嘢， 第二个买得一样嘢， 唔通要等第一单𠮶十日嘢齐哂畀咗客先再畀第二单𠮶一样嘢客人？”、
“人哋收银打份工，做好自己本份，唔系老奉要受你气，体谅人哋能力范围有冇错，如果要自抬身价，洗几个臭钱就就可以对人…，咁应该系你人生中嘅反射，替你难过，有病及早睇医生，准时食药，可控制病情”、
恶客怒骂收银员逐格睇：
帖文来源：香港茶餐厅及美食关注组
同场加映：
“男友视角”巴士猥亵影片疯传 车厢露体缠绵现“神之手”
多段以“男友视角”拍摄的巴士猥亵影片在网络疯传，当中有女子扯衫露体，亦有男女光天化日下，在巴士行驶中的车厢大玩“神之手”，尺度大胆，涉嫌在公众地方进行猥亵行为触犯法例。
近日在多个社交网络，有人以“男友视角”为题发布多段涉及巴士猥亵行为的影片及相片，影片共有两段，分别长约8秒及11秒，另有一张猥亵相片。
巴士猥亵影片热传 “男友视角”车厢缠绵
该批影片及相片拍摄时间不详，但从影片中人均戴有口罩估计，应在新冠疫情发生后拍摄。
【巴士猥亵影片疯传｜影片逐格睇↓↓↓↓】
两段影片中的事主均坐在巴士车厢靠后“4人位”，首段影片看到一名少女左顾右盼后，突然扯衫露出胸部。另一段影片则看到一名女子没有穿着内裤，而负责拍摄的男子则将手伸向女子下体进行猥亵行为，期间女子仍在看手机，从该影片周遭环境估计拍摄时巴士正在旺角弥敦道行驶。至于流传的相片亦相类似，这次女子俯伏坐椅。
两女子巴士拍全裸照
巴士上猥亵行为偶有发生，其中近年最轰动的是流传两名女子在车厢内拍摄全裸照，裸露影片在2021年年底在网络热传，当时有巴士职工会估计有人从不明渠道获得职员证后潜入巴士上拍照。
根据刑事罪行条例200章148条《在公众地方的猥亵行为》，任何人无合法权限或合理辩解下，在公众地方或公众可见的情况下，猥亵暴露其身体任何部分，即属犯罪，罪成可罚款2000元及监禁6个月。
至于发布影片，则可能干犯《淫亵及不雅物品管制条例》21条中的发布淫亵物品，罪成可处罚100万及监禁3年。
---
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
