独家丨周启生慨叹新一代歌手未“足月”渣到吓亲 劝姜涛揾好老师学唱歌:可以揾我

纵横香港乐坛49年的音乐人周启生，将于本周六(22日)举行《管弦乐与怒音乐会》，拥有大量经典好歌的他慨叹新一代歌手都未“足月”，更肉赤有潜质的姜涛还未装备好就被捧到上天。如有机会，他会好言相劝姜涛，“揾个好老师恶补不足”，还寄语对方：“愚公都可以移山，冇人会唔得嘅，但要努力做好件事。”另外，他亦奉劝Fans勿扮专家乱吹捧偶像，“咁样只会整死乐坛。”采访：方骞平

61岁嘅周启生趁自己仲有心有力，要回馈社会，出书及教学生。

姜涛有大好前途，有机会的话周启生都想扶佢一把。

周启生相信姜愈老愈辣，前辈歌星一啲都唔out。

61岁的周启生唔会畀自己变肥佬，努力练得一身腹肌。

纵横香港乐坛49年的周老师想继续出力。

由周启生创作及编曲的作品有好多，包括《风的季节》、《偏偏喜欢你》及《浅草妖姬》等，今次音乐会中，除咗会向师傅顾嘉煇致敬外，仲会有Rock Band及40多人管弦乐团，将流行、古典及重金属摇滚Crossover。

《管弦乐与怒音乐会》排练得如火如荼。

周启生在本周六晚举行《管弦乐与怒音乐会》，会唱出经典好歌。

61岁有心有力回馈社会

周启生直言捞咗半世人，𠵱家做事满足感最重要，如果赚完钱会俾人闹就唔好做：“好幸运跟到最叻嘅顾嘉煇、蔡崇力、孙立功大师，趁61岁仲有心有力，打得、跳得、行得、唱得、食得，仲可以做自己想做嘅事，𠵱家好应该写吓书，教吓学生，将识嘅嘢回馈社会。”问到边位新生代歌手最想扶一把？他赞林一峰及蓝奕邦的歌好听，至于再新啲就未成气候：“最渣弹、唱、作嘅有太多，碰口碰面都系，佢哋全部都未‘足月’，应该摆喺个肚多几个月先出世，期望佢哋‘哗咁坚呀’嚟吓窒我哋，而唔系‘哗咁渣呀’嚟吓亲我哋！可惜𠵱家都系吓亲我！”

音乐会中，会向师傅顾嘉煇致敬。

周启生组成嘅his band山寨鸠，成员叶嘉豪(左3)系佢徒弟。

周启生细细个就玩音乐。

周老师系资深音乐人。

陈百强经典歌《偏偏喜欢你》由周启生编曲。

MIRROR未成气候欠队形

同周老师一齐检视新一代歌手，对于谭咏麟赞不绝口的炎明熹，周启生觉得她唱歌麻麻地：“相比起新人阶段嘅陈慧娴、林志美经已唱到惊为天人啦！”他强调要交返畀真正音乐人先有资格批评，又指当年阿伦都系跟住他的Demo嚟唱。另外，又赞曾彼特(Mike)唱得几好听，可惜欠缺特别风格，唔系好吸引，如尹光就令人留下深刻印象。提到MIRROR及COLLAR，周启生就有话直说：“我冇针对成份，但睇过COLLAR其中两位成员开直播唱歌，走音走到呕，我中学时已经唔会唱成咁，至于MIRROR未成气候，又系早产要放氧气箱！撇开佢哋喺市场嘅影响力，我只讲音乐，佢哋连舞步都唔齐，‘散修修’欠缺队形，同韩国男团神话、防弹少年团冇得比，千祈唔好用忙做理由，忙咪唔好出嚟，直至练好为止，做事系要讲深思熟虑。”

炎明熹及曾彼特成为TVB力捧乐坛新贵。

周启生曾出心Po评COLLAR成员芯駖及Gao合唱《水刑物语》，够“勇敢”。

周启生赞“新一代”的林一峰唱歌好听，不过佢都入行21年，今年都40有7。

好歌之人蓝奕邦都有44歳。

周启生指MIRROR欠队形未成气候，奉劝佢哋练好啲先出嚟表演。

COLLAR成员未打稳基础，周启生评佢哋唱歌未达标。

林志美经典歌《你的眼神》由周启生编曲。

初出道嘅陈慧娴已唱得好好。

忠告Fans勿当偶像系神

周启生自爆有“姜糖”曾私讯他，虚心问他对姜涛翻唱张国荣经典歌《追》的意见，周老师强调唔会批评姜涛点唔好，系要教佢点样会更加好：“单系编曲经已冇新意，成件事已大打折扣，到姜涛零感觉演绎，完全揾唔到哥哥最好嘅嘢…所以要鼓励佢揾个好老师，勤力地练好啲歌，佢可以揾我。”他又有感而发指姜涛有咁好机会，有咁光辉嘅开始，唔好嘥咗佢：“所以我向姜糖直言‘佢唱《追》唱到连参加卡拉OK比赛都赢唔到奖。’既然后生未成气候，应该揾啲老姜帮手复苏乐坛。”最后他又忠告歌迷可以麻木追捧偶像，但唔好当偶像系神，扮专家赞佢哋好有天份及才华，咁样只会整死乐坛，搞死自己偶像。

周启生奉劝Fans勿扮专家乱吹捧偶像。

周启生认为姜愈老愈辣，他跟许冠杰嘅经典歌依然长青。

多年来有实力嘅周老师keep住有show做。

《星岛头条》APP经已推出最新版本，请立即更新，浏览更精彩内容：http://www.stheadline.com/