独家丨沈震轩搣甩TVB文化做人唔再扮嘢 陈欣妍被翻炒“进化史”霸气护未婚妻

39岁沈震轩（Sammy)今年内迎娶细10年，凭著三点式主持节目《美女郊游游》弹起的陈欣妍(Shirley)，喜庆事惹来酸民玩考古，再翻炒Shirley的“五官进化史”，仲Mean爆留言难以想像两人的“结晶品”会唔会走晒样？对于此类网上攻击，入行18年的Sammy霸气地以“鸡鸭论”回应：“入行听得最多系‘娱乐圈嘅男做鸭；女就做鸡’你觉得系咪系囉。”采访：方骞平 场地：Amelia Hong Kong

沈震轩从未婚妻身上学会凡事唔好睇得太认真，认真便输了。

沈震轩比以前开心咗好多。

Sammy明白圈中游戏规则，做人唔好咁Care。

Shirley今年将披嫁衣，𠵱家等紧Sammy惊喜求婚。

两人好鬼sweet。

沈震轩和陈欣妍首次以情侣档姿态拍广告，两人为配合内衣品牌豁出去，奉旨影火辣辣亲热相，准夫妻又经常做直播，跟网民互动讲吓两性关系，Sammy坦言想同女友合体揾钱。他强调自己并非大家想像中咁有钱，只属比上不足比下有余，之前出Po炫富晒400万辣跑、晒健身器材又叹红酒，全港网媒炒晒车，其实系广告嚟嘅。

沈震轩跟未婚妻合体拍内衣品牌广告，大晒健硕身材。

Sammy揸辣跑拍片，解释只系工作需要。

两人不时孖住做直播。

由未婚妻供应零用
Sammy认为大把圈中人较他富有，开健身室是跟朋友合资，“如果网民认为我晒健身器材系炫富，咁个个喺网上show食物都系炫㗎！同一样嘢啫，经营社交网就系咁，可能大家见我买嘅嘢，香港人较少有，喺佢哋角度觉得我富咪富囉。”

Sammy大晒屋企专业健身器材，被网民指炫富。

Sammy仍然热爱唱歌。

有报导指陈豪送超过200万名牌包包畀陈茵媺，Sammy好赞成，因为女友都支持他花唔少钱买“玩具”：“所以我有几多钱就畀几多钱Shirley买包包，多有多买少有少买，如果买唔起就同佢讲‘等我赚多啲先！’因为我都想佢喺适当场合衬吓衫，靓靓哋行出嚟。尤其喺娱乐圈，女艺人拥有10个8个名牌包包好正常。”他更坚持男人要锡老婆或女友，要令身边女人开心有运行，happy wife happy life！否则会虾死你，有乜要求都唔得。问到可会担心好快冇晒钱？他表示唔怕：“我哋都相信吸引力法则！而且我𠵱家乜都有，冇乜消费意欲，每个月只系同佢攞返少少零用钱，其他都畀晒佢消费。”

Sammy屋企收藏唔少模型“玩具”。

买到一屋都模型。

陈茵媺不时换名牌包包，过住阔太生活。

被抨击唔会少忽肉
对于Shirley被指五官系宇宙大进化，更有网民刻薄留言“唔知仔女会点嘅样！”Sammy没好气说：“其实冇所谓，直接啲讲我都系香港人，听得最多系‘娱乐圈嘅男做鸭；女就系做鸡；𠮶个有钱唔知捞乜，一定系俾人包。’你觉得系咪系囉，唔使解释。其实大家喺网上只系吹吓水，所以做人要放开啲，以前我做人比较严肃，但俾属双子座嘅Shirley感化，因为佢个人好chill，反而会安慰返我话‘冇所谓㖞，又唔会少咗忽肉，最重要我哋知发生乜事咪得，演员一定会俾人标签，全部都care咪死？’”

Shirley身材丰满兼样貌甜美，好多巴打好冧佢。

2020年，陈欣妍在ViuTV节目《美女郊游游》中著三点式行山引死唔少连登仔。

Shirley做人比较轻松自在，唔介意素颜出镜做直播。

有网民翻出Shirley旧照，发现Shirley五官大改造。

网民大赞Shirley是最成功整容女艺人。

40岁要做返个男人
拍拖5年，Sammy从Shirley身上学会Take it easy：“佢令我个人放松咗，改变晒人生态度，以前TVB𠮶套文化好听叫pro，唔好听叫假，有好多嘢要遵守，唔听话要照肺，𠵱家签咗英皇娱乐唔需要咁，快40岁仲扮乜嘢呀？不如做返男人要做嘅嘢。”他重申，跟女友互相支持最重要，仲提大家谨记：happy wife happy life！

Sammy唔介意晒肌，坚持近40岁人要做返自己。

《超能使者》是Sammy在TVB的最后一套剧集。

《星岛头条》APP经已推出最新版本，请立即更新，浏览更精彩内容：http://www.stheadline.com/