星8卦丨“花仔”玩到“初心”尽 幸得“叔叔”不计较重拾幸福人生

“初心”份人一直好单纯，咁多年对“花仔”念念不忘，无非因为呢个男人系自己初恋。正所谓情人眼里出西施，大家都劝“初心”睇下呢个世界仲有其他男人，“花仔”不单年纪大，仲有老婆，而“初心”只系其中一个傻瓜，盲目崇拜佢。

“初心”最习惯系畀“花仔”摆埋一边，有需要就去揾佢发泄下开心下，以“初心”读书又叻，性格温和，绝对唔驶咁蹧蹋自己，虽然好多朋友介绍男仔佢识，但佢就死心眼觉得无问题。好彩终于等到“叔叔”嘅出现，“初心”一向缺乏父爱，对后生仔无兴趣，“叔叔”见识多又够江湖，“初心”呢个时候又畀“花仔”搞到周身病，仲要贱到认系自己唔检点，都叫咗“初心”放自己生路，唔好再纠缠。

“初心”已经习惯佢啲贱嘢，回头见到“叔叔”话唔介意自己嘅过去，觉得人生仲有啲希望，而且对方好识锡自己，感觉舒服已唔关乎爱唔爱，半年后仲即刻成家立室，婚后甜蜜蜜，当“初心”如珠如宝。“花仔”碍于“叔叔”嘅人面，初时都有谂过搅搅震，揾人讲好多“初心”对自己几唔放手嘅痴缠，希望激发“叔叔”妒忌心而离弃“初心”。点知“叔叔”乜都讲晒畀老婆知，话就系欣赏佢咁专一痴情，希望余生佢都可以咁对自己㖞！

【相关文章】：

星8卦丨“大波”为老细收埋身材被后生仔睇中包养博从良

星8卦丨“型佬”娶错老婆刻薄家婆 悭大唔悭细神憎鬼厌

星8卦丨“朱女”嫩妻妒忌心重 管制“阿叔”与世界隔绝