Tesla泊咪表逾时遭抄牌 司机不忿狂问警员一句KO 网民：今次我撑阿sir
市区车位长期紧张，咪表车位更“一位难求”，今日（1日）网上流传一段影片，有司机不满咪表逾时被抄牌，不断追问警员“点解唔畀入表”，又指自己准备入表时警员才由警车落地。涉事警员多番解释指“我就兜咗第3转”，又向司机苦口婆心表示“咪表唔系见到警察先入㗎”，事件扰攘一番号，警员发出告票后离去。多名网民支持警方的做法，批评司机不讲道理“生人霸死地”，“系入咗晨早入鬼咗啦，使乜等到人哋抄牌𠮶阵时先至入呀”。
今日各大社交平台流传一条大约1分30秒的影片，片段所见事发时间为今早11时左右，地点为长沙湾福荣街长沙湾天主教英文中学对开。片中所见，一辆白色Tesla私家车停泊在路边咪表位，举机拍片的男子疑为Tesla司机。当时，一名高级警员落警车走向咪表，旁边有一名交通督察员，司机随即上前向警员投诉，指他准备入表时遭阻挠，“唔好意思，呢个阿Sir（交通督导员）唔畀人入表”。
●警员抄牌经过●
警员随即指住咪表，反问司机是否见到“逾期”两字，要求他不要阻碍警员执行职务，“你自己望下，见唔见到？我就兜咗第3转嫁喇，你借一借，你借开少少”。司机竟喋喋不休，不断追问，“阿Sir我见到过时，但我想问你见唔见到过时几耐？我唔阻你做嘢，你系咪唔畀我入表？”
警员不欲与他争拗，仅抛下一句：“我唔系唔畀你入表，我系见你无入表呀，我而家告啦”，之后便发出告票，未有再理会司机，只与交通督察员交代工作。司机连珠炮发不断狂叫“阿Sir”，“阿Sir请问你点解唔畀我入表呢？当时你未落地，我影住你，你话你兜咗3个圈，你又话我过时，我话入表你又唔畀我入表。阿Sir 我问紧你嘢”。
●继续睇警员抄牌经过●
警员闻言后向司机再三强调，咪表逾时是要即时入表，“先生，咪表唔系见到警察先入㗎，你明我讲咩，我唔同你拗，我讲多一次你摆（车）入去就要入表㗎啦”，然后没有再与司机争论，登上警车离去。
影片引来网民热议，认为警方今次执法并无问题，更认为警员已酌情处理，“兜咗3次先嚟抄真系松手”，直言“今次我撑阿sir啦”。另外，亦有多名网民批评司机不讲道理，“生人霸死地”、“正一无赖，有诚意就一早入咗，阿Sir走果刻个表都仲系逾时”、“泊表位唔入表，几蚊都唔舍得俾，而家有入表易，电话㩒个制就可以，咁都悭”、“好明显系霸住个表又唔入表”。
运输署斥资逾3亿元，于2021年1月起分批于全港各区安装约1.2万台新一代咪表，车主可使用“入表易”在现场及遥距缴费。
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
