星8卦丨“家姐”姣媾裙脚仔连生两个得米 避开“势利老窦”自保
“家姐”终于守得云开，最近仲好高调公开自己正印嘅身份，虽然生埋小朋友嘅佢都冇谂过可以公开，因为佢有个超级难搞嘅奶奶。奶奶一向做人眼角生喺额头，都怪佢有条旺夫命，自从“书生”娶咗佢入门，家运一路向好，之前啲生意始终差一步，奶奶做咗自己人之后就开始事事顺畅，当然奶奶都有生意头脑，频频帮“书生”见客，做咗定海神针，所以咁多年佢都纵到奶奶目中无人，生意做得大，伙计用得多，自然就嚣张。
“家姐”有个好势利嘅老窦，初时有钱，后嚟破咗产，但好日子放唔低，成日想做番有钱人，于是将未够秤嘅妹妹带喺身边，成日出嚟揾老板，妹妹最后跟咗个叔叔，见到佢每次出嚟都满眶眼泪，惨过死老窦，睇嚟叔叔都唔系人咁品，令妹妹自尊受辱。
“家姐”其实都系博一铺，二话不说就三年抱两，趁自己仲后生，奶奶无理由连孙都唔认啩，果然俾佢博到，加埋老爷同“书生”，奶奶即使嫌亲家出身唔好，但睇在两个孙仔份上，拖咗几年都畀佢入门，但条件讲明唔准佢老窦多事，亦唔可以有金钱上轇轕。“家姐”难得入到个好门口，唔驶奶奶讲都会用技巧防亲生老窦啦！
【相关文章】：
星8卦丨“男歌手”食仔被老婆发现离婚 放纵继续男女通杀专搞助手
---------------------------------------------
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
点击以下6大平台 接收加拿大新闻及生活资讯
×