独家丨前港姐王卓淇曾被问价包养爆喊道歉 直击巨咪长腿人妻为HOY TV浸温泉

吴业坤旧爱，2014年港姐亚军王卓淇(Erin)离开TVB已3年，之后转战内地做KOL，最近首为HOY TV到广东省拍摄旅游节目《独家旅行团》。32A的王卓淇跟嘉宾，34C Summer Girls Bonnie(张可盈)及32E“E cup人妻”Michelle(陈思颖)介绍温泉放题，有样有脚有胸仲有蜜桃臀睇，观众真幸福。对于兜个大圈重返香港发展，王卓淇自爆港姐在任期间受尽诱惑，更突然感触爆喊兼道歉：“我对唔住好多人。”　采访：方骞平

32E Michelle(左起)、34C Bonnie、32A王卓淇谷到尽出镜，变身性感铁三角。

 

王卓淇身材较窈窕，拥41.5吋白滑长腿及22吋蛇腰。

 

“E cup人妻”Michelle前后都咁正。

 

靓靓蜜桃臀。

 

Bonnie嘅湿水“爱美神导弹胸”，更加诱惑。

 

王卓淇表示今次拍摄全靠监制张志明主动揾佢，之后就喊住道歉，眼浅的Bonnie喊埋一份。

 

随着各地通关，本港各大电视台的旅游节目都变得波涛“胸”涌。HOY TV 77台都唔执输，下周一至五起，晚上9时将播出《独家旅行团》，由王卓淇联同 Bonnie、Michelle、Annalise(乐翊榆)及Hannah(卓淑贞)跟团到广东省一带介绍旅游热点、地道美食及特式温泉，《头条日报》记者现场直击，首批团友王卓淇、Bonnie及Michelle于网红温泉酒店泳池大晒火辣Body，翌日Michelle更大解放，换上中门大开泳衣，置身无边际泳池展露深坑事业线，加埋41.5吋“长腿女神”王卓淇，性感养眼，在场男女泳客都忍唔住丧𥄫。

王卓淇系“长腿女神”。

 

王卓淇上围仅得32A，平平无奇。

 

“E cup人妻”Michelle好坚料。

 

Michelle有样有身材。

 

Bonnie有34C丰满上围。

 

Bonnie上围谷到尽。

 

王卓淇(左起)联同Michelle、Bonnie喺网红温泉酒店打卡。

 

Michelle好索。

 

人妻Michelle(陈思颖)(左起)、王卓淇、Bonnie(张可盈)各有千秋。

 

3女仲玩埋自拍添。

 

 出镜前“拨胸”谷到尽

王卓淇投晒降：“我得普通身材，唔似Bonnie有‘爱美神导弹胸’，见佢著泳衣，都忍唔住要求‘可唔可以摸吓？’”Bonnie就好欣赏王卓淇嘅美腿：“香港女仔个个有佢嘅白滑长腿就赢晒啦！”两人再赞Michelle走欧美风，拥有最靓嘅蜜桃臀，故3人各有特色，冇人会输。不过王卓淇坦言有加胸垫：“并唔系斗托，只系为咗靓啲啫，我哋出镜前仲会‘左右最后一拨’谷到尽，呢个做法好重要。”

王卓淇、Michelle(陈思颖)喺温泉酒店无边际泳池上演泳衣放题。

 

两人肌肤又白又滑。

 

Michelle(左起)嘅泳衣中门大开展现深坑事业线，王卓淇甘拜下风。

 

Michelle及王卓淇现身无边际泳池温泉酒店取景，男女泳客都驻足睇靓女。

 

Michelle及王卓淇喺酒店炮制温泉蛋。

 

地道美食好好味。

 

望重新开始唔会太迟

相隔3年回归香港，31岁王卓淇突然感触爆喊：“以前细路女唔懂事，唔会表达，又唔识得埋堆，成觉得自己冇冇抢人男友，冇伤害人，只系讲真话，好似喺直播时直肠直肚回答网民，话前公司人工低，养唔掂自己顶唔住要走；又话港姐亚军后冠唔系真钻石，原来做返自己系唔得，我只系小尘埃唔轮到我讲嘢，会畀人觉得我唔感恩，要照顾人哋感受。”经历3年独自外闯，王卓琪自觉长大咗，希望重新开始。Bonnie赞扬王卓淇会用前辈身份照顾佢哋，后者听到前辈两字又喊又笑，仲搞喊埋Bonnie。

王卓淇返港重新出发，又激动爆喊道歉。

 

王卓淇喊到好悽凉。

 

仲搞喊埋眼浅嘅Bonnie。

 

访问期间王卓淇两度爆喊。

 

王卓淇望获体谅。

 

月入7千但洁身自爱

另外，王卓淇又向曾藐视过嘅人致歉：“以前觉得自己好正义，企喺道德高地评论人，会藐视出卖自己嘅男女，反应大到相信对方会感受到，𠵱家发现一件事冇绝对啱与错，要向佢哋道歉‘对唔住呀！’。”王卓淇明白生活唔容易，“我唔做啫，人哋点做由得佢囉，亦都祝福佢哋。”她又自爆当年做港姐虽然月入仅得7千蚊，但仍洁身自爱：“做香港小姐都会经历过大大小小嘅诱惑，试过有人搭朋友向我直接开出条件，如送楼，又试过喺聚会中，有人话专程嚟‘认识’我，𠮶时细路女吓亲，好激动回应‘唔得㗎！唔做呢啲嘢…’𠵱家会冷静处理。由细到大屋企人灌输思想，要靠自己努力，所以冇做过不道德交易。”

王卓淇自言从冇打关系，更视拍门求演出机会系可耻行为，所以感激用过她的监制。

 

2015年坤哥送花和弹结他施展冧攻，最终冧掂王卓琪，不过男方因花心而分手收场。

 

2014年港姐冠军邵珮诗(中)、亚军王卓淇(左)及季军何艳娟(右)，但三人已再冇联络。

 

王卓淇喺社交网经常晒长腿。

 

离开TVB三年在内地转做KOL。

 

不时开直播讲到前公司。

 

三年来王卓淇独自做KOL单打独斗。

 

《星岛头条》APP经已推出最新版本，请立即更新，浏览更精彩内容：http://www.stheadline.com/

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。