人妻想搬开唔同老爷奶奶住又怕两老嬲 网民有计仔...... ｜Juicy叮
相见好同住难，做人新抱也甚艰难。有人妻不满同住的老爷奶奶卫生习惯想搬开住，却又得顾及两老感受和家庭和谐，于是在facebook讨论区发帖问“有咩借口唔同老爷奶奶住，而佢哋唔会嬲”。网友的回应大概分两类，一是谂计仔搬开，一是无奈接受共存。
楼主讲述自身苦况时指“我哋一家四口同埋老爷奶奶住，其实佢两位老人家人品唔太差，起码都锡孙，又唔会成日讲啲刻薄说话。但有一样嘢就快到我临界点！佢哋啲卫生意识好低，以前一向唔理，但自从一齐住就有好多嘢要睇唔过眼！
楼主想一家搬开住及网民回应：
好似佢哋老人家对眼唔系几好，食饭食到周地系！明明对拖鞋喺屋企著，就成日著埋出走廊掉垃圾，行出䢂口之类，然后又踩返入屋！我要返工，日日收工返到嚟就觉得个地好污糟，已经好攰仲要抹地！
之前疫情屋企大把口罩，又点都唔肯日日换，返到嚟就咁求其挂住，我日日就喺屋企清洁抹地，而家口罩令已无埋，佢哋唔知死出街口罩都唔戴，惹到通屋都系菌搞到我个仔，我真系会崩溃！”。
楼主接着补充，“又唔系赶咁难听嘅”、“我梗系知道，不过冇咗我哋，又惊佢两个会好论尽，始终已经70几，仲有每次同老公呻都唔会有咩答案，只系话既然住埋一齐张就下！我原生家庭嘅卫生好好，再系咁忍落去我真系担心有日会爆佢哋一镬”、“忍咗好耐，唔呻真系会痴线”。
有网民于是献计，如何能和平地搬开：
•买间屋畀佢地住；
•最多你有钱咪搬出去住；
•咁自己要有能力搬先得㗎㖞；
•无两全其美，说想过二人世界；
•话你哋想小朋友有多啲空间搬出去；
•买层楼俾佢哋住，外加工人、看护；
•想有自己空间，佢地基本上会明白的；
•你话肺痨仲未搞掂依家医生又话你好似麻疯𠻹㖞。
不过，始终搬屋不同食生菜，有网友坦言“其实都几难开口”、“楼主你呻完就算——＜完＞”、“有能力就紧系分开住；不然都要调节下自己心态，共存......”。
有人问“点样唔同（一齐住）法......？自己一家四口搬走......话唔阻住佢地随意嘅生活，相信佢地会理解的......叫佢两个老人家搬走......想佢地唔嬲，好难囉......”。
另有人提醒“永远同老爷奶奶住就系有问题㗎喇～唔系婆媳关系就系湿湿碎碎嘅嘢～有能力咪搬走～但你要谂个理由，千祈唔好讲真话，始终老人家都要有返份尊严系度”。
还有人批评楼主的卫生论，指“其实如果你要返工，两老唔使返工的话，你自己才是最大细菌源头，反而两老唔系”。
帖文来源：香港讨论区
相关新闻：
呻与夫平淡如水 人妻发帖围炉竟突然自爆曾有外遇......
同场加映：
为拍婚照故意揿停缆车 婚摄公司缺德行为竟获网民力撑 原因系......
为捕捉完美婚照可以去得几尽？有网民分享一段山顶缆车的CCTV影片，有缆车被多次在中途站被揿停，却无人下车，原因疑似是有婚纱摄影公司为拍婚照而揿停缆车摆拍，事件曝光后，出乎意料地网民竟反撑婚摄公司。
山顶白加道缆车站緍照胜地
山顶白加道缆车站是拍摄緍照的胜地，被喻为山顶秘景之一，这里人流不多，却是欣赏缆车的最佳地方，有不少婚摄公司会安排新人在此以缆车作背景拍摄婚照。
【缆车被故意揿停只为拍婚照｜全程逐格睇（附字幕）↓↓↓↓】
事件在网上曝光后，大多数留言网民的态度竟力撑婚摄公司，认为缆车职员应该容忍一下方便新人拍婚照，“唔系故意，而系有需要为拍摄而按钟。有人上落车，或有人影相，两者同样，都系一种需要。”“原来缆车默认系会飞站？需要按钟才会停？”
“这条线今时今日系观光/娱乐用..唔系赶返工返学用...所以只要无违反公司指引，例如车厢内影商业相要预先申请...又或 故意阻开车...基本上乘客都应该无所谓，甚至可以坐耐D仲好 ...公司亦唔应该会有不满...相出了街...都系一个宣传。”
不过亦有网民批评婚摄公司行为缺德：“包起成条缆车线全日咪可以任影囉。”“咁样不断被人揿停，可能阻到下一班缆车开出。”“咁样会影响其他候车同搭车乘客，非常无公德心。”
影片来源：香港新闻突发时事合集 Hong Kong Breaking News
----
>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。
iPhone：https://apple.co/2IBi812
Android：https://bit.ly/2Pe8anu
>>>订阅【加拿大星岛网电邮快讯】，每天可收到最快新闻资讯电邮：
https://www.singtao.ca/subscribe/singtao.php
>>>立即关注加拿大星岛新闻网TG Channel，让加国新闻无遗漏全天候向你推送：
https://t.me/singtaoca
>>>订阅CCUE YouTube 频道，查看更多吃喝玩乐、生活资讯影片。
