独家丨余洁滢镜头前首着泳装自知冇身材 靠晒性感人妻李月儿吸Like

凭ViuTV真人骚节目《赌命夫妻》弹起的李月儿（Luna）与余洁滢（Zoe）齐主持HOY TV旅游节目《女游日本》，两人共浸咗10款唔同温泉，又上天下海，玩滑翔伞及于心斋桥河边划船，身材平平无奇的Zoe自己知自己事，面对性感又好身材的人妻Luna即笑言：“玩高空大胆嘢留畀我，性感交畀佢。”分工作冇交嗌，两人成为最佳旅游拍档。采访：方骞平 服装：Maje (Zoe)、i.t_too (Luna ) 场地：daydayhappy_kw

余洁滢、李月儿好啱玩，成为最佳旅游拍档。

去年11月，日本开关，两人即到东京及大阪取景，留足两个月，期间丧食狂玩，由朝到晚食唔同拉面、又试唔同串烧等，食到捧住个肚，点知导演临时提出，下周要着泳衣玩水上乐园，两女吓到临急临忙节食，又去便利店扫沙律及去跑步。

两人挨住冷着和服扮日本妹。

两人包住大毛巾浸温泉，畀到观众遐想。

Zoe唔畏高又大胆，好享受玩滑翔伞。

担心剪走晒泳衣镜头
Zoe首度在镜头前着泳装，对于呢个第一次，她笑说：“我冇睇头，对比佢（Luna）嘅事业线就好深长，唔知我会唔会俾人剪走晒泳衣镜头？其实拍摄时经已尽量缩肚。”Luna自言满意身材，坚持健康性感，就算挨冷都要扮日本妹，着短裙晒长腿，最紧要靓，老公匡仔亦御准她咁做，认为趁年轻Show得就Show。Zoe即补充：“所以包毛巾浸温泉感觉良好啲，只露肩膊会畀到人遐想，唔知我哋有冇着到衫。”两人好夹形容系最佳旅游组合，建议可延续做山系旅游系列。

Zoe谷到尽，身材都冇乜睇头。

老公匡仔支持Luna镜头前骚吓“实力”。

Luna对身材好满意，唔介意健康性感。

《星岛头条》新网站有更多精彩内容：http://www.stheadline.com/