星8卦｜“大眼”搞散老板头家 得罪正室被雪藏 结果要揾老衬埋单

“大眼”如果唔将自己啲嘢踢爆，都唔知做艺人其实都系表面风光。不过又咁讲，“街哥”老板系刻薄，但“大眼”当初点姣“街哥”俾自己上位，呢个圈都有唔少目击证人。讲到攞番啲钱，就老豆同仔都无情讲。

做得老板，只要旗下艺人肯，边个会有得食唔食吖，“街哥”同“大眼”搞埋一堆，连“正室”都觉得今次有啲离谱，所以单刀直入打电话俾“大眼”问佢点解要搞自己老公。

“大眼”果然见惯世面，即刻扮无辜话同“街哥”只系江湖传闻，叫“正室”千祈唔好误会，自己其实系同合作紧嘅“老粗”拍紧拖。“老粗”高高大大，虽然无乜文化，但“大眼”解释接受唔到年纪太大嘅男人，如果真系有嘢，就唔会自行踢爆真正嘅男友。

事实佢又无讲大话嘅，“老粗”份人好烂滚，而且专食身边女人，就手嘛，“大眼”改造后样靓身材正，又够主动，两个人玩咗几次一夜情，但心里明白开心过后咪认真，“大眼”无估到“正室”咁直接，即刻揾“老粗”嚟过桥，仲话两个人爱得火热，求“正室”唔好拆散佢哋。

最抵死“正室”真系揾人去问“老粗”系咪真有其事，“老粗”梗系死都唔认，费事有乜事影响自己事业。正室知道嬲到癫，更加证实佢同“街哥”有路，而且见“街哥”今次太认真，结果收番晒自己所有资金，连屋都唔俾佢住，因为咁多年都无人知财政大权系“正室”手上。“大眼”知道做错投资，泊错码头，“正室”又唔会俾好日子自己过，所以喺被雪期间揾到另一老衬玩结婚，但求有人认头扮幸福挽留一啲面子。

【相关文章】：

星8卦｜“冠军”被利用拆散有妇之夫 结果情人遇意外变植物人 决心落仔再嫁有钱佬

星8卦｜“白净”恨做有钱人愈嫁愈豪 遇擦鞋仔投资错误冇咗一半身家！

星8卦｜“王子”恶死横行 对住父母超级孝顺 娶老婆首要两老Like