陈家乐连诗雅宣布4.24举行婚礼 婚纱照首曝光Shiga钻戒闪爆晒幸福
陈家乐和连诗雅去年6月宣布婚讯，但由于工作以及疫情迟迟未定下婚期，今日一对准新人宣布婚礼将于4月24日举行，同时发放了3张婚纱照，分享两人的喜悦。相中见到Shiga左手无名指的钻戒相当闪爆，而且每一个pose、表情都充满甜蜜温馨的感觉，放闪程度爆晒灯！
【点击睇陈家乐连诗雅婚纱相】：
陈家乐和连诗雅分别在香港和日本拍摄婚纱，“准新郎”陈家乐：“今辑婚纱相有几个地点，其中一个系我哋啱啱拍拖曾经去过嘅一个沙滩，对我哋嚟讲系有特别嘅纪念意义，所以今次再去返呢个沙滩，一齐睇日落、数星星，重温我哋𠮶阵种种嘅浪漫。”今次帮忙操刀婚纱照的合作单位来头不少，全部都是各自陪着两人成长的多年好友，当然要见证两人走进人生新一页，陈家乐说：“摄影师是我的同学，而造型则是Shiga的好姐妹，整个化妆、发型团队足足有二十多人，佢哋真系超级帮忙，影相𠮶日有一种预演婚礼嘅感觉，内心好感动。”
连诗雅亦有在社交平台贴上两人的婚照并说：“知道一直以来大家都好关心我哋既大日子，原来要筹备一个婚礼，真系一啲都唔简单，所以想将事情安排得好一点，才公布日子，终于等到陈生，完成手头上嘅工作，可以拍婚照，然后有张好好睇睇嘅照片一次过公布消息！好开心，今日终于可以同大家正式宣布呢个喜悦，2023年4月24就系我哋Big Day啦！期待𠮶日见到我哋亲朋戚友朋友们见证我哋重要嘅时刻，到时见！！#要找到个喜欢陪我数星星睇动漫嘅人唔容易但系我找到啦#陈生辛苦啦”
陈家乐当然亦有贴图，他笑说：“呢几个月差唔多日日畀人问几时摆酒，问到我鬼咁尴尬！因为我同未婚妻都希望可以准备好晒，影晒婚纱相，有张靓靓邀请卡， 先正式公布，但偏偏呢几个月又好忙，想放一日假都好难，成个婚礼嘅准备过程，基本上都冇办法落手落脚去处理，好在未来陈太真系好叻，一个顶十个，好似打多份工咁，将所有事揽晒上身做，大如酒席、过大礼，细如老爷奶奶著咩衫都搞得掂，唯独婚纱相真系要等我先影到，所以公布嘅日子一拖再拖！”他还向朋友们预告：“炸弹陆续送到！”
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
