独家丨林钰洧面对负评有妙计半日开心返晒 梁超怡 邢慧敏望兔年乜都试狂接Job

应届港姐冠军林钰洧(Denice)、季军梁超怡与“友谊小姐”邢慧敏在任4个月仍处于适应期，尤其“新闻女王”Denice，不论家事及言行都成为话题。踏入新一年，她努力学习调节心态，提升EQ，遇到唔开心事都唔好Sad太耐；邢慧敏自爆经常用负面新闻寸Denice，从而互相支持及鼓励；梁超怡则以师姐郭柏妍为榜样。采访：方骞平 摄影：罗安强

邢慧敏(左起)、林钰洧、梁超怡希望事业能一鸣惊人。

 

访问期间，邢慧敏搭住Denice大髀，感情非常好。

 

林钰洧、梁超怡与邢慧敏希望兔年多啲嘢做，拍剧及做司仪都好有兴趣，邢慧敏最想同儿时偶像“三哥”苗侨伟合作，提返在台庆颁奖礼见到对方，大赞好man，而且有前辈带住拍剧会容易入戏。

林钰洧、梁超怡与邢慧敏希望兔年多啲嘢做。

 

林钰洧新一年努力学习调节心态。

 

林钰洧、梁超怡与邢慧敏对拍剧及做司仪都有兴趣。

 

邢慧敏自爆经常用负面新闻寸Denice。

 

梁超怡不怕Denice的新闻抢晒fo。

 

俾人笑吓冇所谓

当选后周身箭的Denice有感而发，坦言冇谂到会有咁多新闻。她又解释去年平安夜，在家中用火机及在炉头上烧棉花糖事件：“其实冇谂到惹嚟咁大回响，当晚有啲唔开心想食甜嘢，就咁食棉花糖冇咁好食，谂起BBQ就决定烤一烤。”Denice称有上网search过，了解直接放炉头烤会唔会有毒？“啲煮食节目都会喺炉头烤一烤洋葱，其实冇所谓啦，茶余饭后俾人笑吓都OK嘅，可能佢哋当我系发泄对象，又唔系做坏事，分享出去想表达好食同开心，新一年最紧要开心，做人简单啲，想食棉花糖就食，以后会继续咁食。”

Denice平安夜上载烤棉花糖短片，她先用火机烧。

 

之后放到炉头上直接烤，第一粒烤焦了不成功。

 

烤完第2粒放落口吃被网民闹无脑。

 

围炉取暖互安慰

当选短短几个月，Denice努力学习调整心情：“以前睇到负面新闻会唔开心几日，甚至一星期，𠵱家会食一包大薯片，再加罐汽水去谷返啲气出嚟，半日时间就会开心返晒。”老友邢慧敏成日笑住“寸”爆Denice：“每次有佢嘅新闻(负面)我就会Send畀佢：‘喂！你又有新闻㖞。’但有时睇到自己唔好嘅评语，如被网民话我男仔样，我都照Send畀佢睇，佢会安慰返我：‘大家喜好唔同啫。’我哋同系Model出身，背景相似较friend，会互相帮助，演艺路上揾到partner互相鼓励好重要，𠵱家佢乖咗啲喇，冇咁多新闻都ok嘅。”

去年12月5日28岁生日嘅Denice，应该愈嚟愈定性。

 

Denice及刑慧敏互相支持。

 

去年10月，Denice第一次自己搞慈善活动，相约朋友到沙滩执垃圾。

 

去年公司安排应届港姐进行慈善探访。

 

难忘见偶像华仔

问到Denice会否提醒父母要家和万事兴，免得影响她发展？她坦白说：“佢哋闹完一场，发泄完都静咗啦，可能条气顺咗，大家都系成年人应该识谂，我完全冇干预，免得怪我帮埋一边。”随着疫情缓和，问她可会做乖乖女分开请父母去旅行，舒纾一吓双方情绪？Denice偷笑说：“不如我送机票畀佢哋，等佢哋两个自己去咁我开心啲，然后我就 block咗佢哋电话，唔好打嚟畀我。”另外，梁超怡最难忘于《无间道》20周年首映上见到偶像刘德华，她开心到想喊，又话以“女飞跃”郭柏妍为努力榜样，见她入行两年经已有好大进步。问到过去几个月会否觉得被Denice的新闻抢晒fo？梁超怡就话唔关事：“各有各新闻。”

去年Denice(左2)爸爸林俊贤(右2)及妈妈Jasmine隔空骂战，林俊贤表妹Naomi(左1)有份为林俊贤护航。

 

Denice跟林俊贤保持联络。

 

梁超怡最难忘喺电影《无间道》20周年首映上，见到超级偶像刘德华。

 

Denice今年在贺年节目《喜气洋洋玉兔贺新岁》中，随曾总到观众席大派利是。

 

梁超怡率先弹出，拍摄无线真人骚节目《不可能任务2》。

 

郭柏妍入行两年已是“女飞跃”得主，梁超怡会向师姐好好学习。

 

被指男仔样的邢慧敏，拥有高挑身形。

 

应届港姐亚军许子萱(左一)向公司请咗长假尚未回归。

 

《星岛头条》APP经已推出最新版本，请立即更新，浏览更精彩内容：http://www.stheadline.com/
 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。