独家丨34岁陈俞希想同强尼演师生恋:我可以扮学生㗎 ViuTV一哥一姐争取演戏机会操肌学唱歌

强尼和陈俞希(Hailey)贵为ViuTV一哥一姐,虎年因疫情致发展未如意,不过两人好知足。展望兔年,近期狂操肌的强尼和努力学唱歌的Hailey ,会努力争取更多演戏机会,两人更希望继《暖男爸爸》后再合作演戏,Hailey更提议和强尼大玩师生恋。采访:杜杜 摄影:罗安强 服装:Suncoo hk(Hailey) 场地:Studio Meta

强尼和Hailey私底下相当老友,影相访问期间完全唔避忌互窒。
强尼和Hailey私底下相当老友,影相访问期间完全唔避忌互窒。

 

强尼和Hailey都希望兔年有更多揾钱机会,追回虎年不足。
强尼和Hailey都希望兔年有更多揾钱机会,追回虎年不足。

 

Hailey同强尼觉得去年眨吓眼就过,前者去完欧洲拍摄《食得怪先好嗌》后,下半年似白过,“好似啲新人开始做啲新节目,得返我哋两个老嘢喺度咁,哈哈!”讲到老字,强尼即否认,“你唔好咁讲,你系咋我唔系㗎!我好有年青活力㗎!哈哈!”

相对揾对象,Hailey认为揾钱更加实际。
相对揾对象,Hailey认为揾钱更加实际。

 

强尼就希望大家都身体健康,所以有时间就会做健身。
强尼就希望大家都身体健康,所以有时间就会做健身。

 

发展其他兴趣同事业

两人有时间就发展个人兴趣及生意,如Hailey就搞网上食品生意“八婆会馆”卖盆菜及大闸蟹等,仲学唱歌及考获唎酒师资格,“我成日塞到自己个期好满,咁样充实啲,上堂时好期待攞成绩表,好似考唎酒师时,寄咗成绩表嚟,自己唔敢睇叫人帮我睇,好惊,感觉好似返番学生时期,好有趣。”

Hailey早前开设网上食品生意“八婆会馆”,卖盆菜及大闸蟹等。
Hailey早前开设网上食品生意“八婆会馆”,卖盆菜及大闸蟹等。

 

除了学唱歌,Hailey去年还趁空档考获唎酒师资格。
除了学唱歌,Hailey去年还趁空档考获唎酒师资格。

 

强尼竟要提醒才记得去年曾推出首本著作《强尼:从我遇见的人-拆解真实自己》,以及与吴海昕及梁钊峰合演的音乐剧《二人餐》,他笑言:“因为呢啲同钱冇乜直接关系,哈哈!个满足喺心里面会唔记得咗。”强尼对两个作品都相当满意,演音乐剧的过程更令他如参加《全民造星》般热血,“如果我仲后生,唔使谂会参加《全民造星》,唔系想赢啲乜嘢,系个过程好珍贵,同一班人一齐经历一啲事大半年,用两个礼拜去砌一个表演,赢输都好,但我唔能够再参加𠮶啲比赛,不过呢几个月同班人去排戏,再做10几场,每场抱住好期待心情面对唔同观众,喺我呢个年纪都做紧类似嘅嘢都几好。”

强尼去年推出首本著作《强尼:从我遇见的人―拆解真实自己》。
强尼去年推出首本著作《强尼:从我遇见的人―拆解真实自己》。

 

去年强尼与吴海昕及梁钊峰合演音乐剧《二人餐》,首次挑战又唱又演。
去年强尼与吴海昕及梁钊峰合演音乐剧《二人餐》,首次挑战又唱又演。

 

互相鼓励出写真集

讲到兔年愿望,正在努力学唱歌的Hailey就解释只为装备自己,未有想过当歌手,但公开表演都有信心应付,“有得畀我练都可以嘅,唔好突然听日叫我唱。”不过相对唱歌,她更渴望演戏,“我希望啲人谂起我嘅时候,会谂起演员呢两个字!casting对我嚟讲都系学习,如果啲人打畀你叫你去casting,唔理角色大定细,喺佢心目中你都做得吓戏,或者你适合呢个角色,所以我嘅愿望系人哋当我系演员。”

Hailey去年演出《百万同居计划》的“Fiona”,表现获赞。
Hailey去年演出《百万同居计划》的“Fiona”,表现获赞。

 

去年强尼在《反起跑线联盟》演绎梁咏琪老公,反应不俗。
去年强尼在《反起跑线联盟》演绎梁咏琪老公,反应不俗。

 

之后Hailey主持上身,追问强尼最近频频健身操肌原因,仲搞笑话:“你操咁大只,希望出书呀?我都想欣赏!”强尼反击做过𡃁模的Hailey,“如果我出写真集要叫你师姐啦!参考吓你啲甫士。”仲狂鼓励对方再出写真集,“当年佢啱啱出道,我𠵱家真系叫佢再出,一定好过𠮶时,呢个访问出咗街,下面啲留言一定会话出出出,𠵱家佢多咗阵韵味。”

去年强尼和Hailey拍档主持《恋爱staycation》,合作愉快。
去年强尼和Hailey拍档主持《恋爱staycation》,合作愉快。

 

期待有意想不到机会

强尼解释操fit除了为身体健康,也为未来工作做准备,所以除了健身,亦有学唱歌和演戏,“我未必会定个好明确嘅目标畀自己,上完呢个班会得到啲乜嘢,有时间咪畀自己锻炼。”问他若有角色要求骚肌肯唔肯呢?他大方话:“求都想求做一啲咁嘅角色,难得畀佢推动,但唔系咁易有啦!”讲到新一年工作目标,他透露下半年有机会再演舞台剧,仲想多拍剧,“我希望有啲意外嘅嘢,好似旧年我哋突然拍《恋爱staycation》,拍得几开心。”

去年强尼和Hailey拍档主持《恋爱staycation》,合作愉快。
去年强尼和Hailey拍档主持《恋爱staycation》,合作愉快。

 

新一年强尼好希望跟Hailey再合作拍剧,“《暖男爸爸》𠮶时我哋唔系拍咗好多剧,过几年可以喺戏剧上试吓唔同角色关系,我哋两个都恨拍剧,有任何角色有得玩都会好开心。”Hailey即问他:“你想演咩关系?”听到强尼话冇所谓,34岁的Hailey就提议,“师生囉!我最近睇紧师生剧,你做老师,我可以扮学生㗎!”49岁的强尼笑言:“sorry!忍唔住笑咗!”Hailey没好气话:“我提议吓畀公司啫!哈哈!”

2020年,强尼和Hailey在《暖男爸爸》合演情侣,更有牀戏。
2020年,强尼和Hailey在《暖男爸爸》合演情侣,更有牀戏。

 

新网站 www.stheadline.com 已推出

 

点击以下6大平台 接收加拿大新闻及生活资讯
加拿大星岛WhatsApp报料热线:(437)428-9394

下载“星岛新闻(加拿大版)”App,随时看到最新最快新闻:
iPhone:https://apple.co/2IBi812
Android:https://bit.ly/2Pe8anu

订阅加拿大星岛网电邮快讯,每天可收到最快新闻资讯电邮: https://www.singtao.ca/subscribe/singtao.php

>>>订阅CCUE YouTube 频道,查看更多吃喝玩乐、生活资讯影片。
share to wechat

延伸阅读

share to wechat

延伸阅读

J2患癌主持文颂男完成化疗 撰千字文交代病况:活得好冇尊严

12怪盗丨陈卓贤Ian 杨乐文Lokman快闪5分钟谢票 答问题唔Hea仲玩埋游戏

“飞爷”邓智坚竟撞样张智霖 艺训班导师桃李满门竟是《婚后事》功臣?

钟嘉欣7岁大女展现惊人运动细胞 廿四孝妈咪年近40仍为子女学做一事

都市网新闻