星8卦｜“仙子”失恋爱上豪赌 大赢家鞋盒装钱成佳话

“仙子”近年养尊处优，虽然一直风言风雨不少，但坐稳阿太宝座，其他女人都咪发梦。自细“仙子”想揾户好人家，奈何从小成名遇上的都是有妇之夫，同“俊朗”苦恋多年，因为做第三者差点要退出娱乐圈。

好唔容易等到“俊朗”离婚，“仙子”竟然输俾一个细自己廿年嘅北方佳丽，呢个打击令“仙子”差啲崩溃，好在即刻有“大鳄”，同“老粗哥”一齐向诗人献殷勤，“仙子”虽然享受大鳄照顾，但又嫌对方花心，终于拣咗嫁“老粗哥”，因为有个靓老婆形象大改，生意一帆风顺。“仙子”趁仲有得生即刻三年抱两，夫妻非常恩爱。

由于身边无男人多年，加上俾“俊朗”刺激，好长时间“仙子”都钟意周围飞玩番几手，未嫁前试过玩到3日唔瞓觉，好彩赢多输少，继续有好日子过。“老粗哥”婚后带住老婆周围威威，为揾食无乜生活情趣，“仙子”自然要佢融入自己世界，“老粗哥”有次跟住入赌场，唔驶一个钟，“仙子”就赢咗佢成个月嘅收入，睇到佢眼凸凸，至于换番嚟啲现金点算呢？原来“仙子”早有准备，拎咗个细码红白蓝袋填到满，然后交俾“老粗哥”拎，哗！手感非常好，因为自己成世人都未见过咁多金牛。

连续几日，“仙子”好似开咗金库咁，赢到要俾赌场列入黑名单，两公婆返到房之后，发觉拎唔到咁多，惟有寄舱，但有乜方法安全又唔俾人发现，“仙子”将新买嘅手袋盒同鞋盒装满啲金牛，果然是神不知鬼不觉。最抵死系“老粗哥”好高兴咁同公司同事讲“原来揾钱可以咁易，得闲大家揾下呢啲外快都唔错！”搞到跟咗佢廿年嘅开国功臣反晒白眼。
 

 

【相关文章】：

星8卦｜“孝哥”纵容烂赌老婆输身家 妻债夫还挨到病

星8卦｜太太罗美薇神隐廿年 揭张学友狂推job之谜

星8卦｜模范夫妻爆离婚！小云出轨发姣派帽 吉仔用成副身家箍煲

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。