鱼头允与“第一代郭靖”白彪属亲兄弟 感谢阿哥带入行：试过一日赚超过十万
人称“鱼头允”的资深演员兼龙虎武师的刘允，入行50年曾经演出过不少电影，虽然大多数只属配角之演出，但因为有一对斗鸡眼而令人留有深刻印象，直到2019年，刘允在第38届电影金像奖获颁“专业精神奖”，当晚才得知他是“第一代郭靖”白彪的亲弟，当年更加是白彪介绍弟弟入行做龙虎武师，高峰期“试过一日赚超过十万”！
【点击睇白彪鱼头允精采演出】：
鱼头允家中有十二名兄弟姊妹，白彪排行第八，刘允则排行第九，他之所以有斗鸡眼，事源于他在一岁时患上脑膜炎，以致高烧抽搐得来。早前鱼头允和白彪齐齐接受好友杨绍鸿为港台主持的节目访问，原来当年白彪带弟弟入行做武师，“武师呢行都好揾，揾到食，60年代，揾70蚊一日，已经好多钱。未入行前，我哋两兄弟喺织布厂做毛衫，揾2、30蚊一日已经好威，我入咗电影行，我叫阿允唔好做织机，跟我入行。”
其后鱼头允由武师跳出幕前，他笑说：“当时有个导演要揾3个对眼都唔同嘅演员，揾咗‘大细眼’（宋锦成）、‘射篱杜’（杜少明），揾埋我‘鱼头允’，但仲争一个，于是揾咗个剧务‘射篱深’，我哋4个喺七圣庙一间舖仔拍一场打麻雀嘅戏，有个阿婆一睇就笑，‘呢4个人咁得意嘅，打麻雀都唔系望住麻雀枱嘅，你眼望我眼，我眼望你眼。’系咁笑，导演咪觉得得意囉。”结果因为电影大卖，于是继续拍多部：“我同杜少明又拍，射吓射吓！又卖座㖞，𠮶阵时唔系收好多，1000蚊一日，制片问我片酬收几多，我话2500蚊一日，拍吓拍吓又hit㖞，谂谂吓，我再升到5000蚊一日。”鱼头允笑言当时日日有工开，一日拍两组，一日赚一万蚊：“试过一日赚得最多，系超过十万，开工冇得返屋企，咪塞入裤管，搞到只肿晒，剧组啲人以为我整亲，叫我去睇医生。”到了1990年，因没有喜剧再拍，鱼头允返回幕后工作！
提到鱼头允在2019年获得金像奖的“专业精神奖”，白彪大赞弟弟：“佢就威喇，不过佢人缘好，乜都肯做，导演话乜，佢就做乜，佢嘅工作精神又好，人缘又好，所以呢个奖佢攞系ok嘅！我𠮶个就系撞彩”刘允笑称自己都不明白为何有奖，但获得同行认同及肯定而感到很开心，当然亦很感谢哥哥带他入行。
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
