独家丨王君馨获子丹激赞有火吓亲　演《乔峰传》急向邓萃雯胡杏儿求助

王君馨（Grace）最近在电影《天龙八部之乔峰传》，首度跟甄子丹合作，饰演“马夫人康敏”，可惜今次冇打戏，未有机会跟丹爷学嘢。由于Grace已10年冇演古装，今次机会难得她即不敢怠慢，除了用歌曲帮助入戏，仲向前辈邓萃雯和胡杏儿求救，而未来她更想成为文武双全的演员。采访：杜杜 摄影：朱伟彦 发型:Kenny @ HAIR 化妆:Evelyn Ho 服装:Maje、APM Monaco

Grace兔年会全力歌影视方面发展，希望继续桃花旺人缘好。

Grace离开娘家TVB后发展顺利，但不排除有机会再拍剧。

Grace去年参加内地节目《了不起！舞社》时，收到王晶电话指丹爷想揾她演“马夫人”，落实后她才识惊，因她自2012年《耀舞长安》后已没演过古装戏，加上跟丹爷合作又要演经典角色，所以她即请教前辈邓萃雯和胡杏儿，“佢哋都喺内地拍过古装戏，问咗佢哋攞啲提议，畀到最大能量就系‘君馨呢个角色去到你手，你系一定做得到，上天畀呢个角色你一定应付得到，所以你要相信自己同埋相信呢个角色，唔好质疑自己’。”

早前Grace参加内地节目《了不起！舞社》，大展舞技。

Grace很感激邓萃雯和胡杏儿鼓励，令到她能有信心挑战角色。

为丹爷瞓身演出

能够跟丹爷合作，绝对是Grace梦寐以求的事，更难得获对方一番话鼓励，“佢第一句问我，‘你知唔知我点解拣你？我见你离开旧公司，就去参加跳舞比赛，去challenge自己，我睇到你入面𠮶团火，你系有passion，我系钟意同啲有火有passion嘅人合作’，我𠮶吓好感动，呆咗，好耐都未有一个人咁欣赏自己，𠮶吓就觉得一定要瞓晒身去做好呢部电影。”

Grace跟丹爷合作期间，经常听对方大方分享经验，赚晒！

“康敏”被喻为“天下第一淫妇”，性感又风骚，Grace演起来入型入格。

本身为丐帮副帮主“马大元”之妻的“康敏”，为达目的色诱长老“白世镜”。

可惜角色所限，Grace戏中冇动作戏，未有机会跟丹爷学嘢，所以好期待将来能有机会，“如果我知道要同佢拍打戏，起码要闭关一年先至觉得自己OK，希望之后有咁嘅机会。”她更希望将来成为文武双全的演员，“做打女系好玩，我系容易啲记动作，但当然唔想净系做武打演员，自己文戏都要进步，如果文又得武又得会更好睇！”

Grace去年在内地工作大半年冇机会陪老公Daniel，新一年会将基地放回香港。

以往拍TVB剧，Grace都经常拍打戏，身手不俗。

Grace对于做歌手一样好有火，今年会继续出新歌。

新网站 www.stheadline.com 已推出