独家丨七师傅预测MIRROR进军海外奉劝咪拍拖 过亿独立屋新居任睇常为轩公诵经

玄学家七师傅(七仙羽)于去年疫市下仍赚到盆满钵满，要交过百万税。踏入兔年，七师傅在其市值过亿的5千呎西贡独立屋新居，祝《头条日报》读者身体健康、财源广进，继而再向读者教路，兔年楼市及股市投资方向，又指MIRROR会Keep住红，更大胆预测七子有机会到海外发展，奉劝他们要把握冲线机会，勿浪费时间近女色：“dry几年，唔好拍拖。”采访：方骞平 摄影：罗安强

七师傅同荷兰籍男友Gerald及可爱布偶猫祝大家喺兔年兔气扬眉、一团和气。

MIRROR今年会Keep住红，仲有机会冲出香港去海外发展。

去年七师傅大丰收，除拍咗多个广告，仲拍埋电影及开唱笑会，有好多新尝试。而身家“亿亿声”的七师傅最近更搬进市值逾亿的西贡独立屋，面积5千呎，包括露台共4层，有6房及花园，全屋背山面海，对正西贡海，屋内傢俬由英国设计师设计，住得超豪。

客厅近玻璃门有贵妃凳，望住无敌海景令人心旷神怡。

饭厅有壁炉，由英国名设计师设计。

独立屋楼高4层，连天台及花园，全屋对出望西贡海，系有背山面海风水屋。

大宅全屋采用白色tone，内里的装饰简约，不过亦有不少色彩缤纷的傢俬作为点缀。

七师傅搬入的西贡独立屋楼底有六米高，客厅可摆放两张大梳化，对出则是花园。

饭厅水晶吊灯好有气派，由于楼底太高，每次要搭棚先换到灯泡及清洁，好大阵仗。

入九运前后楼市波动

生财有道的七师傅除了香港，于英国、意大利等地持有超过10个物业，全部均趁低吸纳，不会高追，其中家人于2003年沙士时用175万买入跑马地一个住宅单位，目前升幅多倍。不过，七师傅指2024年进入九运，转运前后一年楼市波动较大，会下调20%以上，故不睇好楼市，奉劝大家要小心投资，要移民卖楼的要尽快打算：“尤其经济唔稳定状况下，打工仔饭碗都难保，所以要做啲稳阵嘢，买楼要睇𩠌食饭。”她建议有能力置业人士，不妨去心仪区域小住一排了解环境，因为每区楼市波动程度唔同，好似新界区，每次楼市下跌都首当其冲，反而中半山企得硬净，升得又最快。至于今年股市都系唔上唔落，七师傅预测春天会出现小阳春，股市会反弹少少，但之后都系跌，入市要睇准时机。

七师傅生财有道。

同男友好Sweet。

黐住行运人增加能量

提到MIRROR、轩公(张敬轩)、ERROR、陈安立等好友，她指未来一年大家都会行运：“黐住啲行运人，大家有返咁上下能量，会相辅相成。”七师傅仲自爆念“旧情”，见轩公现身她唱笑会中，仲大送金猪，所以她会为佢唸经加持，祝佢永远都咁好，相信今年轩公同MIRROR一样会Keep住红，MIRROR甚至有机会去外国发展：“好似姜涛又乖又纯又孝顺，会有好多人钟意；卢瀚霆形象好好；吕爵安行轻松搞笑路线，3人好有可能喺影圈跑出成为最佳新人。去年佢哋发生咗啲唔如意事，但大家都唔想，成长过程要经历跌跌碰碰，要有勇气及自信去相信自己。”更叮嘱他们士气唔好被打沉。

轩公曾现身七师傅嘅唱笑会中，仲豪送金猪，七师傅常为他唸经加持。

姜涛可爱又孝顺，在新一年依然受欢迎。

七师傅睇好形象好好嘅卢瀚霆在影圈发热发亮。

男人有本事唔忧冇女

问到边个镜仔今年会行桃花运？七师傅语重心长表示，唔建议佢哋拍拖：“一个出名嘅艺人唔好拍拖，作为艺人喺拼搏时间最重要系保持知名度，要专注工作就要有所牺牲。”七师傅还列举出3大反对理由：“当红一定好忙，冇时间陪伴令对方好lonely，对另一半唔公平；咁牵挂唔能够集中精神工作，万一被狗仔队影到就绯闻多多；最重要系，如果被对方利用，拎住把柄就更麻烦。”七师傅希望镜仔集中火力事业上，强调有本事嘅男人就算年纪大都唔会担心冇女，一定有好多女人钟意。

邱士缙（Stanley）跟Alina(李炘颐)拍拖多年，不时晒恩爱。

师傅年赚天文数字，单系交税都过百万，所以每月都会做布施。

七师傅去年大丰收，也尝试拍电影《猛鬼3宝》。

身家“亿亿声”嘅七师傅强调唔注重名利，她最爱反而系修行。