周润发见张家朗唔惯有人高过自己 罕谈做人之道：将个身段放落嚟

贵为巨星级人马的周润发（发哥）最近应品牌的邀请，与2020年东京奥运金牌得主张家朗进行对谈，两“神”相遇已经有火花，身高185的发哥见到193的张家朗笑，他“岳”高头对住张家朗笑说：“我好少咁样望人，‘喂！点呀’，好唔惯，竟然有人高过我！”见惯大场面的张家朗都忍不住一脸腼腆！面对犹如小fans般紧张的张家朗，很快被发哥的亲和力融化，张家朗一直强调自己不敢相信能见到发哥，发哥搞笑地：“想见到我可以去山上面。”

【点击睇张家朗周润发对谈精彩片段】： 

67岁周润发一向热爱运动。

周润发是圈中运动大使。

周润发早前跑步途经一个DSE考场为考生加油打气，非常亲民。

周润发经常鼓励圈中人一齐行山。

香港田径总会亦分享周润发与选手的大合照。

周润发照旧做揸机人，零架子与选手们接触，非常亲民。

见到发哥梗系有啲惊。

好快就变咗小fans！

发哥话估唔到自己要“岳”高头望人！

仲有人高过自己！

张家朗个样好搞笑！

好兴奋！

梗系要自拍喇！

发哥说到第一次见到张家朗时感觉：“我第一时见佢畀我想像中靓仔，又高大啦，温文有礼啦，如果喺萤幕见佢就有一朝佢打紧金牌个战，好有型，最难忘呢有一下，过咗身边仲可以倒剑个下好潇洒！”

发哥亦大赞即使面对世纪金牌之战，张家朗的表现依然很冷静：“由4年前巴西奥运到2021年的东京奥运，佢已经长大，我本来对花剑唔系好熟悉，不过睇完之后，对花剑产生了兴趣，想去学！”

提到自己在25岁的生活，发哥说：“𠮶阵我拍紧《上海滩》，呢个后生仔已经攞金牌，冲出国际，你话我都有去荷里活拍戏，其实只不过系一个见识同见闻，佢哋系出去打仗，我哋𠮶啲好长时间去铺排，有晒剧本，但系佢一上到场只得15分，压力系好大，我哋嘅演艺生涯可以好长，但系运动员生涯就好唔同，而且走嘅路程比我哋艰辛好多！”

张家朗在第一次见到发哥就觉得不敢相信：“因为通常睇到嘅时候都系电影度睇，都有睇过好多唔同嘅电影，第一套应该系《赌神》，跟住有翻睇过朋友介绍嘅《英雄本色》、《监狱风云》啦，好钟意，你演得好好同旧嘅香港电影自己都好钟意。”

张家朗一直强调自己不敢相信能见到发哥，发哥笑说：“想见到我可以去山上面。”之后张家朗仲话自己有少少紧张同怕丑，在他的眼中，发哥是一位巨星，亦相当“亲民”，点知发哥话：“我都好怕丑，不过见到你就开朗咗好多。”

发哥亦说：“大家都知道我嘅出身，由边度嚟，当你有咗嘅时候，你嘅出身系唔会搣得甩，始终系𠮶度嚟，喺香港好多人都系由基层做起，所以喺香港有一样系好，就算我去到边度，个个都对我好好，唔会觉得我系一个演员或者系明星。”

发哥与张家朗分享做人秘笈：“当你喺咁高嘅时候，其实你要将你个身段放番落嚟，所以你个教练话畀你听，你有脾气嘅时候就唔好系𠮶度发。某程度上你打剑嘅时候，都可以睇番你嘅人生，都系一样，输紧嘅时候，唔好发火，当你高嘅时候，揿番自己落嚟，当你低嘅时候，要提番起自己，唔好觉得自己好坎坷，高嘅时候唔好觉得自己好高贵。”

发哥又说：“其实中庸之道系最好，过程之中系你自己个经历好炼历，慢慢就会成长。”最后发哥更叫张家朗教授剑撃技术，而自己会教张家朗做戏，笑言“应该几好玩”！