独家丨冯素波公开私藏照力证后生靓过Anson Lo 78岁唔忌讳谈生死两度落泪

78岁冯素波（波姐）因为与27岁MIRROR成员“教主”Anson Lo(卢瀚霆)撞样，笑指两人如“失散母子”而被获广告商𥄫中，化身“粉红教主”拍医美广告成为佳话，广告相被疯狂洗版，连本尊都大赞可爱。波姐笑言最初唔知咩系“镜粉”，“以为食得㗎。”而对“教主”赞不绝口的她，希望对方放下伤感，新一年要喜气洋洋。另外，波姐深得后辈尊重，她接受《头条日报》访问时两度感触落泪，觉得生存在世，应该多做有意思的事。采访：方骞平 摄影：朱伟彦 场地：The Stadium

波姐称自己福大命大如同重生，要活出精彩人生。

 

得到咁多爱锡波姐感动到喊。

 

开埋IG分享嫲嫲日常的波姐近年变得活跃，原来背后系有段故。话说疫情下波姐工作量唔多，入院做身体检查时发现大肠内有肿瘤，割除咗五分一大肠后，化验报告幸好属良性，波姐引用佛家说话：“有时出现最唔好嘅嘢，可能系人生最好嘅开始，经历咗唔死嘅时候，我当自己系重生㗎嘞，决定要活出精彩人生。”

开埋IG分享嫲嫲日常的波姐近年变得活跃。

 

波姐因为诚心做好事，喺不求自得心态下反而得到更加多。

 

波姐决定要活出精彩人生。

 

她接受《头条日报》访问时两度感触落泪，觉得生存在世，应该多做有意思的事。

 

以为“镜粉”可以食

因为诚心做好事，喺不求自得心态下反而得到更加多：“我乜都顺住轨迹，去年太得闲拍咗ViuTV剧集《绳角》，最初都唔知客串乜角色，原来系演‘镜仔’杨乐文(Lokman)、江熚生（AK）嘅嫲嫲，同剧仲有王智德(Alton)。原先我唔知‘镜仔’红成咁，听亲生仔提及‘镜粉’，我仲以为系食得㗎！”至于同Anson Lo结缘，波姐有日收到阿仔传嚟AL嘅相，被网民取笑两人系“失散母子”，波姐童心未泯跟AL广告相合照，谂住回应囝囝“系咪咁似样呀？”点知被炒热，亦好幸运获邀拍广告，“神徒”又锡她，她开心说：“哈！广告商都系贪我够老，由我嚟讲故事。”

Anson Lo“粉红教主”形象深入民心。

 

波姐化身“Annie波”变熟女版Anson Lo。

 

因为贪玩喺“教主”炸鸡广告前合照，惹嚟城中热话。

 

波姐喺剧集《绳角》中，饰演Lokman的嫲嫲，同后生仔玩得相当开心。

 

“教主”同波姐终于喺电影《过时·过节》首映中合体。

 

在电影《过时·过节》中，波姐饰演梁祖尧妈妈及Edan、袁澧林的嫲嫲。

 

大赞MIRROR有礼貌

问到“失散母子”相似度时？波姐却疑惑地反问：“你哋真系觉得似？我真系唔知，喺《过时·过节》中佢除咗眼镜，块面肥嘟嘟似BB样，但换上西装，戴返副眼镜又变V煞面，整体我哋鼻梁挺直最似，而佢块面瘦啲，我就眼蒙蒙，相反佢眼大大。”波姐坦言后生时靓过AL，她似爸爸冯峰多啲。波姐仲私人醒咗张23岁时索爆私藏照畀本报，“我后生时系咪靓女？最好由你哋评估吓。”及后她又补充：“人哋咁红，何必似到尽？似少少也客气。前辈唔代表大晒呀！要互相尊重，发挥演艺精神，开心地过年，希望社会少啲怨气，多啲欢乐，发放无限正能量。呢啲先系作为前辈嘅责任！”波姐不忘大赞合作过嘅“镜仔”好有礼貌，非常尊重前辈：“Anson Lo讲嘢阴声细气，好静好乖，而且讲嘢好得体，胸襟广阔，相对AK比较活泼。”

波姐23岁时绝对系索女，仲话靓过教主。

 

波姐话自己最似爸爸冯峰。

 

波姐收到阿仔传嚟AL嘅相，指被网民取笑两人系“失散母子”。

 

冯素波以爸爸冯峰为荣。

 

波姐话戴返副眼镜嘅“教主”又变V煞面。

 

望12子助推动粤剧

波姐好想做到12子嘅嫲嫲，稍后她会演粤剧《洛神》，更想镜仔帮手推动粤剧，增加年轻观众。她又寄语AL唔好为发生过嘅惨事掩盖所有好嘢，因为唔好嘅事总会过去。另外，波姐受尊重，揾后辈帮手做商台节目《乐龄天国》嘉宾从来冇被托手踭，连古天乐都买飞撑她开《峰波情未了》演唱会，她感动得喊住说：“疫情下边个生命唔可贵？佢哋嚟睇我骚就少咗陪家人几个钟，受咁大恩惠要报恩，最近为港台拍一个关于生死节目《一切从简》，由社企帮助一啲基层人士做善终，节目好有意义。”会读佛法的波姐唔忌讳谈生死，因为了解死亡才会生活得更好。

波姐同观众一样，好想成功“集邮”，有机会做晒12子嫲嫲。

 

波姐邀请马德钟担任商台节目《乐龄天国》嘉宾，“马神”回应：“你出声我梗做！”令波姐大受感动。

 

波姐跟顾定轩到墓地拍摄关于生死节目《一切从简》，见证社企帮助一啲基层人士做善终。

 

波姐准备演人生第一个大戏，也希望年青人关注粤剧文化。

 

连古老板都出钱买多张飞力撑波姐举行《峰波情未了》演唱会，纪念已故爸爸冯峰。

 

波姐为纪念已故爸爸去年开骚。

 

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。