陈奕迅演唱会突痛哭惊爆怕失声 入行逾20年首度台上泣不成声
陈奕迅(Eason)演唱会昨晚(10日)举行第24场,经过一日休息后,未知Eason是不是受天气影响,或放松后身体倦意开始涌上来,所以中午彩排时,发现声音出现少许问题,令他突然浮躁,担心自己会失声。昨晚到talk位时,Eason对观众的欢呼拍掌已经很感动,他鞠躬良久说:“多谢大家包容,你哋系童子军(日行一善),呢两日不知天气定咩,有啲嘢发咗出嚟,我突然好惊,好惊自己会冇声。”观众不停大叫他“加油”或“冇事”,Eason笑道:“你梗系啦你,你都听完,试下我同你讲,今日退飞改期吖!”观众再大叫:“唔紧要,改期都等你!”Eason即又开心又感动,“咁你真系好爱我。多谢你哋,今晚俾咗好多力量我。”
到安歌环节,Eason选了近年非常喜欢的一首歌《相信你的人》送给大家。唱毕他首次留下解释选曲原因指:“呢只歌系我2019年,为电影《银河补习班》而唱,邓超导演带埋部未完成的电影,飞来香港俾我睇,问我有冇兴趣唱只歌。佢最初想用《自行车》改国语版,但系我觉得佢咁有诚意,《自行车》亦唔系好适合变国语版,最后我揾咗台湾我好尊重的一位好朋友,陈小霞写词,姚若龙作曲,佢哋话放心交俾佢哋,最后这首歌出来,不知系人年纪大易感触定点,歌词真系好令人动容,我知大家香港人钟意广东歌,但一只好歌,点解要分语言呢?音乐系世界语言,你可能听一只土耳其歌你都会被感动,所以我好想用来送俾大家。”
【点击睇Eason演唱会】:










说毕Eason突然感触到控制不到情绪,二十多年来第一次于台上落下泪,更泣不成声,暂停了一会,他才抹着泪水道:“二十多年来,我从来都唔会俾呢个样大家睇嘅……唉,羞家,失礼失礼。我通常剩系带欢乐同愤怒比大家,哈哈....我冇哀愁,哀愁喺晒歌里面,我亦唔想喊,喊紧点唱歌俾大家听?呢只歌陪咗我两三年,每当我有不开心、迷惘时,呢只歌俾咗好多力量我,所以我特登拣来送俾大家,请大家相信‘勇气就系魔术,可以帮到你。’”
接着Eason说:“言归正传,我今日就派左只新歌《盲婚哑嫁》,既然大家今晚咁开心,趁着有咁大个屏幕,一齐睇好唔好?”观众即开心到震,全部留座欣赏这部微电影首播,继而Eason更首唱这首新歌,令大家大感足才离场。
此外,这两晚捧场嘉宾包括有甄子丹及其太太、张智霖、袁澧林、张进翘、洪卓立及女友刘沛蘅、吴君如陈可辛一家三口等等。
>>>星岛网WhatsApp爆料热线(416)6775679,爆料一经录用,薄酬致意。
>>>立即浏览【生活百答】栏目:新移民抵埗攻略,老华侨也未必知道的事,移民、工作、居住、食玩买、交通、报税、银行、福利、生育、教育。
