独家丨51岁江美仪非“亲生女”争奖蚀底愿卖身TVB 15年 提议设双视后:同鲍姐一齐拎
51岁的江美仪凭台庆剧《下流上车族》内“度缩”车太晋身“最佳女主角”十强，跟“影后”鲍起静（鲍姐）、“民选视后”陈炜及“当紥姐仔”陈滢拗手瓜。转投TVB 13年的美仪，恨攞“视后”恨到出晒口：“学祥哥（黎耀祥）咁讲，人生有几多个十年？每十年要有进步，十年前夺‘女配’，𠵱家拎埋视后最十全十美，因为再过多十年，就会变‘终身成就奖’喇！”为争视后，美仪唔介意卖身TVB，恨不得签15年长约做亲生女，做到66岁就退休啱啱好。采访：方骞平 摄影：谭志光 场地：新都城国际百货
全靠天时、地利、人和，今年江美仪遇到拥有好剧本、角色及对手的《下流上车族》，亦是她多年以来最有信心得奖的一次。台庆颁奖礼前夕，江美仪满怀期望：“平常面对囉，有就开心，冇就预咗，我提咗身边人唔好畀我太大压力，尤其妈妈话要攞飞去现场见证我得视后一刻，咁我都明嘅，喺阿妈眼中个女永远系最好，我怕佢哋会失望时，自己又会唔开心，所以都系睇淡啲好，不过，为咗尊重场合，经已拣咗靓靓战衣赴会。”
同鲍姐齐提名当赢咗
叫美仪分析“视后”形势，她坦言也被考起：“其实真系好难，我戥有份评审嘅TVB高层头痛，陈滢嘅《痞子殿下》好好睇，记得播出时正值暑假，我妹妹都有追睇；而唐诗咏主演嘅《超能使者》系新剧种，又有话题性；陈炜嘅《回归》系重头剧，背景好劲，都系大热剧作；至于鲍姐经已系金像影后级数，尤其剧中佢对住个手机留言𠮶场戏，原先发悔气闹爆个仔，但又惊激嬲阿仔，最终转变态度含泪哀求儿子唔好移民唔理佢，一个画面有3种情绪，属教学级演技，所有演员都应该睇吓，佢就算让半臂都赢晒，加埋论资排辈，输畀鲍姐系应该嘅，佢真系实至名归，冇可能赢到呢个对手，坦白讲，自己未够好，要叻到赢到鲍姐先算叻，我都未去到呢个位，同佢一齐提名就算赢咗。”
过多十年拎终身成就
不过，视《下流》为代表作的美仪坚持唔想让奖：“咁（让奖）又唔得，人生有几多个十年呀！每十年要有一个蜕变，再过多十年就拎终生成就奖㗎嘞，所以呢个奖对我嚟讲好重要。”恨攞奖的美仪愈讲愈兴奋，“你知我几惹是非，难得拍呢个剧冇畀人闹，观众又钟意我个角色，个剧咁受欢迎，一班演员又好无私咁团结演出，连林敏骢都好有分寸，佢会同我哋一齐癫，一齐返公司倾剧本…最好设双视后就皆大欢喜啦。”
由于目前江美仪同TVB签一年一套剧，跟陈炜及陈滢比较，她并非TVB“亲生女”最输蚀，对此，她带笑向TVB发表效忠论：“听闻𠵱家TVB要求新人签 15年，我希望做15年TVB‘亲生女’，最好当我新人咁捧，咁66岁我就退休。哈...”
《星岛头条》APP经已推出最新版本，请立即更新，浏览更精彩内容：http://www.stheadline.com/
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
