独家丨陈奂仁曾收徒弟严重被Hurt 睇准Web 3.0是音乐产业唯一出路

陈奂仁（Hanjin）早前以新加坡BBS Records Limited NFT顾问身份出席《第15届社企民间高峰会》，并担任国际研讨会《学术论坛：公益NFT》的演讲嘉宾。Hanjin近年积极投入NFT热潮，他承认因看准Web 3.0（最三代互联网）是音乐产业未来唯一出路。曾参与两届《声梦传奇》负责评审及导师的Hanjin落力传承，全因曾被徒弟深深伤害，自此决定有教无类 。采访：杜杜 摄影：罗安强

Hanjin的T恤上画作，亦是他推出的NFT产品。

Hanjin对有关文化产业及Web 3.0感兴趣，故接受邀请做演讲者，而能够跟业界劲人一齐讲更令他兴奋，“Yat Siu（萧逸）系Web 3.0嘅阿大，如果我同佢讲Talk，代表我系娱乐圈嘅Yat Siu，我梗系开心啦！哈哈！”

Hanjin由前年开始，已先后推出多项NFT产品。

同行揾唔到食转卖电器

Hanjin前年成功在NFT拍卖两首原创歌曲赚到150万港元，成为全球首位发行NFT的华语音乐人。他坦言最初踩入这界别，只因看到音乐行业死路一条，好多同行揾唔到食被迫放弃，“转行卖电器、卖保险，有啲好出名都要咁样，最可悲系大家真系当系免费餐，想听音乐咪download平台嘅apps，笃吓就听到6首歌，睇完啲广告可以再听，对做音乐嘅人唔公平，Web 2.0搞到经济情况不平衡，希望Web 3.0会平衡啲，起码有番个空间畀有心做自己文化产业嘅工作者有出路。”他希望自己起牵头作用，令同行都加入Web 3.0行列，“我做咗4、5个实验，虽然难，试就有机会，唔试绝对冇机会，反正都冇其他可能性，不如鼓励大家试呢个方向。”

Hanjin坦承近年搞音乐揾唔到食，他认为是Web 2.0令社会失衡。

Hanjin开心见到星爷都话加入Web 3.0，更兴奋对方贴出自己的post。

Hanjin近年还落力参与《声梦》节目，他解释有份使命感，“想帮肯学但揾唔到途径嘅人、有心嘅精英、高手，畀到捷径佢哋行。”原来年前他在音乐制作方面曾收过两个徒弟，但结果令他相当心痛，“最衰就系嚣，学到6成就嚣，我想将识嘅10样嘢全部教晒佢，佢学到6成就乱嚟，唔专心，好心痛。”自此决定唔收徒弟，“系人都帮，你问得出口我就会讲解畀你听，Show个方法畀你睇。”

Hanjin开心参与《声梦》，发掘到如炎明熹等有潜质的歌手。

除了音乐，Hanjin最近亦有参与电影《4拍4家族》跟谢安琪合作。

新网站 www.stheadline.com 已推出