独家丨黄建东被笑搲捞王好怕乞人憎 蔡国威讲遗憾一提老窦即喊

黄建东与蔡国威早前夺得TVB《全能司仪选拔大赛2022》冠军，有机会在台庆《香港小姐再竞选》中任司仪，兼且双双入围角逐“飞跃进步男艺人”。蔡国威喊住表示未能跟已故爸爸分享喜悦是人生憾事；而东东于家中开live就激动爆喊，感慨成绩得来不易。采访：方骞平 摄影：邓国良 服装：ROMAGO(黄建东) 、DECISION(蔡国威)

夺全能司仪后，黄建东及蔡国威多咗好多观众认识。

 

黄建东与蔡国威最开心得到认同。

 

齐齐为事业打拼。

 

两人多咗好多观众认识感到好开心。

 

东东否认成功搲捞。

 

蔡国威自言面皮薄未上过6楼。

 

东东见蔡国威情绪激动，不知点算好。

 

黄建东与蔡国威最开心得到认同，多咗好多观众认识。入行11年，41岁的黄建东形容入围“飞跃”经已系一件好荣幸的事；而49岁蔡国威分别在ATV及TVB工作20年及6年，𠵱家才有机会提名“飞跃”奖已经赚咗，他笑说：“咁旧公司都冇呢啲奖，所以呢个对我嚟讲系一个交代。”

 

东东及威仔孖住入围角逐“飞跃进步男艺人”奖。

 

两人夺全能司仪得来不易，所以开心到不得了。

 

中佬的心事

问到被封为“6楼搲捞王”嘅东东是否代表成功搲捞呢？他尴尴尬尬说：“其实之前完全唔知道有呢个封号，听到都有啲难受，搞到我𠵱家唔敢再上6楼制作部，好惊啲同事觉得我好烦，变咗好乞人憎。”讲返以前厚住面皮摸上6楼，他说：“我Feel到同事未必想同我倾偈，有啲甚至远远回应‘得㗎喇！有适合会话你知。’打发我走，我惟有打圆场，9秒9话打搞晒，系一件好唔型嘅事。”

阿姐都有点名大赞东东多才多艺。

 

东东获奖后回家开直播，表现同样好激动。

 

东东赛前唔知自己被封“6楼搲捞王”，形容有啲难受。

 

东东过往都“搲”到唔少好角色。

 

蔡国威自言面皮薄未上过6楼。有今日成绩，除咗多谢旧公司帮忙，他带泪感谢已故爸爸：“我系单亲家庭长大，爸爸反对我入行，两父子经常为此而争拗，但其实佢内心对我好好，最遗憾当年被人话喺二奶台做‘二打六’，又攞唔到钱返屋企，到我揾到钱时佢就病咗，对佢补偿唔到，两父子连旅行都未去过。”

威仔唔想变喊包，但一提到爸爸眼泪就失控。

 

威仔话亚视台前幕后帮佢好多，图中“亚视之友”江美仪、鲍起静、陈启泰、韩君婷、袁文杰等。

 

威仔喺TVB六年拍过唔少剧集。

 

威仔同朱慧珊系当年亚视一哥及一姐。

 

订阅星岛网singtao.ca电邮快讯，每天可收到最快新闻资讯： https://www.singtao.ca/subscribe/singtao.php

>>>订阅CCUE YouTube 频道，查看更多吃喝玩乐、生活资讯影片。

【看星岛＊知天下】请立即下载“星岛新闻(加拿大版)”App：
iPhone：https://apple.co/2IBi812
Android：https://bit.ly/2Pe8anu