正义回廊专访丨杨伟伦形容拍摄时状态极阴沉：心理上辛苦 认与周凯亮有一点相似
曾经有人形容港产电影已经一池死水，要“激活”实在不容易，不过电影作为一个梦工场，只要有梦想，任何事都有可能发生，谁也想不到，今年港产片走势凌厉，改编自2013年发生的大角咀双尸奇案电影《正义回廊》，在最初不被看好的情况下，票房成绩愈战愈勇已接近3,500万大关，取代《低俗喜剧》荣登港产三级片票房纪录第3位！此片更加在网络造成热话，两位男主角杨伟伦（阿卵）和麦沛东亦成为话题人物，连带剧中不少角色都受到注意。
【相关文章】：
正义回廊专访｜麦沛东博尽真食“咖啡饭” 爆红金句获旁听者指导：冇睇价钱就接拍
正义回廊专访｜庄韵澄获周凯亮哥哥朋友私讯 封胸做虔诚基督徒更受关注
【点击睇《正义回廊》精彩剧照】：
阿卵早前接受《星岛头条》的访问，戏中他与麦沛东的对手戏当然精采，但亦有不少人对他与庄韵澄饰演的表姐的互动有深刻印象。在张显宗的世界内，表姐似乎是唯一真心对他好的人，阿卵亦认同：“张显宗呢个角色系好怕畀人judge（批判），所以佢先封闭自己，而表姐呢个人物系从来都冇judge佢，就算同表姐自白杀咗人，佢都冇用judge嘅角度去批判，所以张显宗对表姐系另一番感受，当然你都可以话佢利用表姐，又或者佢可能有啲反思，点解自己要咁样做？喺佢表姐讲完之后，心底里面系有一刻后悔，唔排除有呢个可能。”
阿卵亦觉得，因为今次导演用了多角度去睇这件事，由犯人嘅心路历程到家人、律师，传媒的睇法，又可用感性角度去睇，实在有很多阅读空间，当然不得不提，还有与饰演辩护律师的林海峰舌战，更加是睇得过瘾，阿卵本人亦赞不绝口：“睇见佢点样揿低个犯而听佢讲，令到我有啲反应系好自然咁做咗出嚟！我记得有一次大家分析套戏嘅时候，我系会觉得吴冠峰呢个人系好明白张显宗，喺张显宗嘅世界入面，一路想有人认同同了解，但同时间因为要‘面’而推开咗好多人，当吴冠峰踩入条底线，开头系畀佢食住咗，冇得反驳，好嬲呢个人，但同时又产生咗一个关系，原来呢个人系好了解自己，而张显宗其实一直需要有呢类人嘅出现，我有谂过， 如果吴冠峰早啲出现，成件事可能会唔同咗，而且吴冠峰系有谂过帮佢，亦系唯一一个相信佢嘅人，坏人都未必次次都讲大话，系几得意嘅关系。”再谈与唐文奇的关系，阿卵觉得是两人是互相影响：“咁样先可以发生到呢件事，张显宗有讲过想自杀，而唐文奇就自杀过，点知两个都衰咗，相遇到咪一齐去报复呢个世界，究竟系边个讲先？唔知，已经系罗生门，但系呢个相遇造就咗呢件事嘅发生。”
【点击睇杨伟伦专访相】：
今次是阿卵的演艺生涯所饰演的角色是最沉重的一次，思想上当然有反思和冲击：“我同佢相似嘅地方系外型，我都有经历个自卑嘅阶段，觉得点解自己唔系高大靓仔，但系唔同嘅地方系，我屋企冇逼我做啲我唔钟意做嘅嘢，佢哋会担心同关心，好似我同佢哋讲话想做演员，佢哋会担心我究竟揾唔揾到食，不过都好尊重我自己想行嘅路，所以成件事系好唔同。”他又说：“始终系群体社会，如果你身边嘅人或者外界点对你，系好影响谂法，当然，佢做咗呢单案，同佢本身性格，过唔过到自己系好有关系，除咗呢样外，系咪可以对人好啲？人始终冇一个超能力知道对方谂乜嘢，只系估人哋谂乜，但系喺估嘅过程入面，系咪可以留心多少少？又或者喺过程入面，可以早啲表达多啲，而唔系‘监粗’觉得好就畀你，呢个过程系好难，年轻人喺成长过程系自我，喺度热血紧，好难去听啲前辈讲佢嘅经历。”
眼前的阿卵看似活得轻松自在，但他曾经有执着自我的时间，幸好身边有前辈、朋友安抚，最后总算挨过来：“我读戏剧嘅时候，有老师同我讲，做演员要好open，听人意见，唔好谂住自己系啱晒，演员嘅工作系做人，而做人系有好多唔同嘅谂法，系咪你𠮶个谂法先系最啱呢？唔一定，好多嘢系讲紧磨合，磨合就系open。我去做一套戏，当然有自己睇法嘅一面，但系呢个睇法系咪捉得咁死呢？点样先可以有最好嘅方案？就系要好多人配合出嚟，所以放低自己系演员好重要嘅一课，另一课系接受自己不断撞板，接受自己嘅失败，身边有朋友同前辈扶返起你，慢慢就会好清淅，每次都尽能力去做，当新嘢咁去做，我相信大家一齐认真去做一件事，观众会感受到你嘅心，体会到你嘅热诚。”
当日拍完电影后，一直都未有机会认真细看，事隔多时终有机会再看，阿卵笑言当时确实很阴沉：“虽然拍嘅时候，体力同心理系好辛苦，但系非常之爽，因为呢套戏系好多人嘅第一次，例如我同麦东（麦沛东）第一次做咁main（主要）嘅角色，导演系第一次拍长片，摄影师、服装都系第一次，变咗成班人嘅拼搏同追求，真系好癫，只要有一个部门唔满意，即刻再嚟，大家嘅追求系要最好！”但他承认，初初接拍时有担心：“𠮶阵梗系近水楼台问白只，话晒佢都做过杀人犯，佢话唔使担心，系一定会，不过都提我，拍嘅时候要同个角色做功课，等自己有个意识系拍紧戏，系做紧一个角色，拍完冇乜特别方法，因为好快就拍《大叔的爱》，沉重心情慢慢就冇。”
摄影：黄颂伟
发型：Louis Tse@Number8 Salon
化妆： Yannis Yip
服装提供： O.N.S clothing
>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。
iPhone：https://apple.co/2IBi812
Android：https://bit.ly/2Pe8anu
>>>订阅【加拿大星岛网电邮快讯】，每天可收到最快新闻资讯电邮：
https://www.singtao.ca/subscribe/singtao.php
>>>立即关注加拿大星岛新闻网TG Channel，让加国新闻无遗漏全天候向你推送：
https://t.me/singtaoca
>>>订阅CCUE YouTube 频道，查看更多吃喝玩乐、生活资讯影片。
