世界杯2022｜专栏:大哥届时谷底反弹

终于嚟到世界杯十六强最后一轮赛事！淘汰赛阶段大部分强队都能顺利过关，年轻球星如基利安麦巴比、布卡约沙卡都交出好表现；而哈利卡尼、美斯、基奥特等沙场老将亦证明自己宝刀未老。但有位球星斯人独憔悴，就系葡萄牙球王C朗拿度。

其实C朗今届嘅表现唔算特别差，过往除咗一八世界杯入咗四球之外，佢其余出席过嘅世界杯决赛周都只系各入一球。虽然入球产量唔多，但今届对加纳射入一球十二码后，已经破纪录成为五届世界杯决赛周都取得入球嘅球员。

以C朗拿度嘅级数，大家一定对佢期望甚殷，作为中锋，睇得到佢嘅入楔触觉及弹跳力仍然喺度，但爆发力已大不如前，因此难以再见到佢千里走单骑嘅表现。而且世界杯前夕，佢同前球会曼联之间问题嘅处理手法，亦令到部分球迷对佢嘅印象变差。佢喺世界杯嘅表现甚至被足球数据网站Sofascore评为世界杯最差十一人之一。

嚟紧葡萄牙嘅对手瑞士，喺最后一场分组赛对住塞尔维亚都失两球，防守一般。以“大哥”嘅脾性，愈俾人睇低就愈搏命，笔者认为嚟紧对瑞士嘅比赛中佢有望入球。  - 球乐

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。