世界杯2022｜专栏:东洋武士格食“格”

十六强比赛已开打，相信各位朋友都系一路睇住自己爱队比赛，一路思潮起伏。由翼卫杜费斯带领下以3:1击败美国率先晋身八强嘅荷兰，无论用波定系后防表现，比起分组赛明显淡定得多。而阿根廷嘅美斯先入一球，及比赛尾段利辛度马天尼斯与达米安马天尼斯各有一次关键封阻下，有惊无险以2:1战胜澳洲。

以往有睇开《足球小将》嘅朋友，都应该会记得有场日本对巴西嘅梦幻对决，如果想喺今届世界杯见证到呢场比赛，咁嚟紧十六强嘅赛事，日本先要击败克罗地亚晋级。日本喺对德国同埋西班牙嘅分组赛，充分发挥到防守反击嘅威力，尤其系对西班牙嘅比赛，更以不足两成嘅控球率取得胜利，亦令德国及西班牙自六六世界杯有数据统计以来，成为仅两支全场有七百次以上的传球次数，但九十分钟内落败嘅球队。喺领队森保一嘅带领下，充满速度及爆发力的三笘薰和堂安律，相信会继续成为改变比赛嘅重要棋子。

克罗地亚方面，中场三大长老莫迪历、波索域及高华锡中场控制力绝对毋庸怀疑，偏偏日本要发动反击正是要出现被对手控制比赛的局面，反而格食格，笔者睇好东洋武士更进一步。  - 球乐

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。