王贤志自爆曾喜欢吴家乐 结婚六年谈出轨:大家同意就唔算
王贤志(Vinci)主持的J2节目《仔仔一堂》引起不少话题,近日接受林柏希在网上平台节目《月倾会》访问,林柏希问Vinci有咁多身份,主持、拍剧、生意人、又做过主席,最近更做埋电视节目《仔仔一堂》嘅制作人。众多身份角色,最钟意做边瓣?Vinci讲笑话:“最钟意梗系做人哋老公啦!”他更唔介意大谈同性婚姻。
同Kevin唔会分手
Vinci透露:“我哋拍咗7年拖先结婚,𠵱家结婚有6年, 即系有13年!”原来两人系对方嘅初恋:“我又觉得佢几好㖞,Kevin系同我完全两个世界嘅人,佢识煮饭、种植同养动物,平时睇YouTube片系睇㓥鱼、锯木;我就钟意睇骚、表演同时装,我同佢好唔同,反而喺对方身上发掘到唔同话题。”问到有否肉体或精神出轨?他反问:“如果大家同意就未必等同于出轨啦?我同佢冇七年之痒嘅,如果有嘅话,就喺我哋认识第7年发生咗,唔需要等到结婚嘅第7年。一对恋人点相处两个人知就得,唔需要牵涉太多人去估,(如果冇同意出轨会点?)唔会分手,大家都咁多年,需要沟通同理解囉,大家好似觉得我好花弗啦,好多花花,草草,其实唔系,我不知几咁dry,我觉得我同Kevin系冇乜嘢可以令我哋分手。”他又指自己系有心思嘅人:“试过plan过一日入面有5个节目,又畀surprise佢;佢会画啲嘢畀我…”
最近刚刚播出嘅《仔仔一堂》,Vinci系制作人,点解会筹备呢一个节目呢?“其实都系timing呀!咁啱呢几年COVID啦,好多嘢都翻天覆地停晒,咁啱我有另一个partner都系制作人,我最特别嘅身份,就系我个gay identity,同埋一个咁公开嘅identity,我唔希望令人哋一听到呢个节目名就会谂,‘有冇搞错呀,教人哋搞基。’其实唔系,如果斋系访问,由唔同嘅同性恋者讲自己嘅故事,好似documentary咁好闷啦,dating系个包装啫,最终佢哋date唔date得成,其实唔紧要,最紧要系佢哋个过程!”
拍摄期间,遇上Vinci人生大考验,系Vinci妈妈同Kevin嘅妈妈相继患上重病!他一方面好投入去做呢件事,另一厢其实日日都出入紧医院,心情其实系好沉重又复杂。由于Kevin妈妈喺澳门,他和Kevin一齐返咗澳门,隔离14日,目的系见佢妈妈嘅最后一面!直至节目拍到尾声,Vinci妈咪离世前,他跟Vinci探妈妈时,Vinci妈喊住捉住两人只手,对Kevin说:“你妈妈𠵱家走咗喇,我就系你妈妈!你就当我系你妈妈啦!”Vinci说:“𠮶刻我觉得,其实我做呢个节目,我有一个更大嘅使命,我唔系剩系想带出,大家更认识gay嘅生活,而系我好想令到,同性恋者身边嘅屋企人,都去明白,其实大家嘅包容同接纳系更加紧要!”
2007年时他不满资历比自己浅嘅崔建邦可以做台庆司仪,炮轰当时无线总经理陈志云偏私,对于曾传跟崔建邦不和,问到同邦邦仲做唔做朋友?他强调说:“系因为啲新闻,令到我哋大家有咗个隔膜囉,但系事过境迁再见返,反而你会觉得好珍惜囉!𠵱家都系朋友,见返冇嘢呀!好好呀!我其实未离开电视台之前,有同佢一齐去泰国玩添!”
再问Vinci有冇钟意过圈中男拍档,如常合作的陈键锋?他直认:“陈键锋都算有啲好感,但未去到话钟意!”他直认𠮶时觉得有啲人外形及才华,其实他都OK㗎!”问到系咪吴家乐?他不讳言:“因为我同佢同一日试镜《K-100》,所以识咗好多年!我谂佢sense到嘅!”
>>>立即浏览【移民百答】栏目:新移民抵埗攻略,老华侨也未必知道的事,移民、工作、居住、食玩买、交通、报税、银行、福利、生育、教育。
>>>即读【新移民专栏】:新移民第一身经验,与你分享当下年轻移民生活日常大小事,即读“新移民专栏”。
iPhone:https://apple.co/2IBi812
Android:https://bit.ly/2Pe8anu
>>>订阅【加拿大星岛网电邮快讯】,每天可收到最快新闻资讯电邮:
https://www.singtao.ca/subscribe/singtao.php
>>>立即关注加拿大星岛新闻网TG Channel,让加国新闻无遗漏全天候向你推送:
https://t.me/singtaoca
>>>订阅CCUE YouTube 频道,查看更多吃喝玩乐、生活资讯影片。