独家丨林利年过半百唔想离婚孤独终老 用爱“教”好老婆承诺房事会尽力

56岁的林利和台湾模特儿太太陈贞均（Erin）结婚3年，今年8月，林妻因不满林利拒行房，呃食呃住等玩公审，林利当时直认“已经没有爱，何来性？”，婚姻一度亮起红灯，最近两公婆就去咗泰国旅行箍煲再渡蜜月。林利接受《头条日报》独家访问时表示会包容及珍惜老婆，坦言年纪唔细，“打打杀杀好攰”，记者见证佢访问期间不断报告行踪，当事人好享受更坚称生活好开心，因为“几十岁人仲咁靓仔”，最后仲话房事上会尽力，咁咪好囉！采访：方骞平 摄影：朱伟彦

56岁林利话自己仲好靓仔及受fans欢迎，生活一啲都唔委屈。

 

受访期间两次同身处台湾的老婆视像通话，sweet到爆。

 

两公婆去咗泰国补渡蜜月。

 

林利到泰国前曾撇低老婆，“一枝公”低调返港拜祭亡母，顺道相约张伟文经理人方俊茶聚：“呢两年多发生咗好多事，系我一生中最逆境嘅时候，除咗患重病，亲人(妈妈)走埋，朋友就系我嘅精神支柱，有咩委屈会去海边叫吓，揾朋友呻吓。”

张伟文经理人方俊系林利嘅精神支柱。

 

方俊同林利好老友。

 

林利每次返港来去匆匆。

 

林利好珍惜太太。

 

林利妈妈去年不敌淋巴癌去世，终年83岁。

 

扮瞓觉扭转婚姻危机

当日林利喺短短两小时多嘅访问中keep住同老婆联络，传文字、图片讯息都唔够，还要视像通话两次报告行踪，甚至向老婆介绍身边人，包括记者。𠵱家两公婆关系，由水沟油变返糖黐豆。他主动交代婚姻状况：“我哋已经冇乜事，唔系报道中分居及离婚，要多啲包容囉，我年纪都唔细，仲打打杀杀会好攰，退一步海阔天空。”𠵱家林利有好多妙法解决婚姻危机：“我会用温和嘅方式处理，两公婆嘈交时，我咪离家等佢落啖气先；佢去K场饮酒饮天光，𠵱家我唔会叫佢饮少啲，愈叫愈反效果…佢饮完返到嚟我就扮瞓咗，千祈唔好讲嘢…”

仲要不停视像。

 

在港期间不时同妻子电联。

 

林利同Erin结婚3周年，就算点吵吵闹闹都会珍惜老婆。

 

32岁嘅Erin仲未玩够，林利称老婆唔够成熟。

 

赞老婆个底好但要教

林利承认老婆好似𡃁妹咁唔够成熟，而且直肠直肚，脾气又大：“我哋又唔系唔夹嘅，需要啲时间囉，佢又唔系成日‘发作’，而且台湾啲女人嗲啲，以为闹完交嗲返就冇事，但其实个心仲有嘢，要慢慢释怀。”数完老婆缺点，林利即冧返佢：“佢个底系好老婆，唔系坏女仔，但要教，所以要珍惜佢，唉！我都几十岁处于半退休状态，之前咁辛苦跑江湖，病又病过，亲人(妈妈)又走咗，要对自己及家人好啲，我想要个伴，唔想孤独终老！除非有第3者就冇得救，但我哋又未行到呢步，暂时全部嘅嘢都可以处理到。”

3月时公然表示珍惜是福，表明珍惜老婆。

 

今年6月底，林利出post求饶，请老婆息怒。

 

去年9月有感而发，在fb发文“家和万事兴。”

 

虽然卖相唔多好，但林利对老婆煮嘅爱心午餐赞不绝口。

 

今年8月15日发表沉默论，唔想愈闹愈僵。

 

为妻洗底裤做小男人

言下之意，问到夫妻相处之道系咪靠个“忍”字？林利认为用“教”字会比较贴切：“钟意一个人慢慢就唔会出声，要用爱嚟融化佢，我要带住佢行，因为佢长期畀有精神病嘅妈妈精神虐待，加上疫情下表演少咗，又要供楼同养阿妈，压力好大。”他又指自己系个好到不得了的老公，但求过啲简单生活唔介意做小男人，仲自爆唔会出夜街，会留喺屋企煮饭洗衫，甚至帮老婆洗埋底裤。至于被老婆投诉房事唔够，为咗满足老婆，他笑说：“𠵱家好啲，交到啲货！”他搞笑解释，因为牀上有好多货要寄，老婆亲自处理出货、入货，所以日日都要去交货：“房事问题要搞掂晒啲货先，只要唔吵吵闹闹慢慢就OK，最重要系家和万事兴。”最后林利强调，唔觉得自己受委屈及无用，坚称：“我不知几开心，几十岁人仲咁靓仔及有咁多Fans支持我。”

“小虎队”于1984年组成，成员林利、孙明光及胡渭康当年都有唔少fans。

 

林利跟昔日嘅战友杜德伟、张卫健等保持联络。

 

林利于2017年不幸患上大肠癌，要定期覆诊。

 

林利赞老婆个底系好嘅。

 

两公婆突然变返糖黐豆。

 

林利甘愿做小男人。

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。