陆浩明自爆由有线减人工过档TVB 拍戏遭影帝狠批唔识讲对白

有线娱乐新闻主播出身的陆浩明（6号）在2012年与洪永城、李佳芯、谭凯琪及黄翠如过档TVB做艺人，目前主力做综艺节目主持，与肥妈（Maria Cordero）因合作《食平D系列》而上契。日前6号接受杨绍鸿、文颂娴主持的节目《一起走过》访问，重提当年做娱乐新闻主播趣事，6号说：“𠮶阵真系好好玩，香港都未试过有一条24小时嘅娱乐新闻频道，系一件好新嘅事，我最难忘系访问嘅时候帮吴宇森‘夹咪’。”之后因为逗留在comfort zone一段日子，觉得自己想有变化，凑巧当时高层余咏珊离离开，于是文颂娴便问是否有关？6号说：“一半一半喇，𠮶时咁啱系王维基电视大战，成个电视圈大洗牌，对于电视嘅幕前同幕后人员系一个黄金年代，转得台自然会加人工，鱼唔过塘唔会肥。记得同有线仲有半年约左右，正常倾续约会系早1年或早8、9个月，可能当时有啲人事变动，竟然冇人同我倾，自自然然咪谂吓系咪要转换地方工作。” 

【点击睇6号同女友亲密合照】：

个样十年如一日都冇变！

 

陆浩明（6号）是有线娱乐新闻主播出身。

 

做过新闻主播！

 

访问过黎明。

 

肥妈喺6号事业上好重要嘅人。

 

当年“有线帮”过档TVB，有好多发展机会。

 

主力主持综艺节目。

 

系长寿节目之一。

 

6号直认过档人工一定有减少。

 

6号话肥妈鼓励自由发挥去玩。

 

做主持系6号嘅强项。

 

6号私下唔识煮嘢食。

 

做过游戏节目嘅嘉宾。

 

6号话啱啱过档TVB，点都要洗一洗底。

 

好搞笑嘅组合。

 

玩到去郊外。

 

好搞笑！

 

之前拍住阿姐汪明荃主持《娱乐大家》。

 

做惯主持，配音系有啲难度。

 

之前参加《好声好戏》第二季。

 

拍过《智能爱人》。

 

做大骚主持。

 

合作好有默契！

 

成日晒恩爱。

 

做大骚主持。

 

好friend㖞！

 

同女友有结婚打算。

 

成功融入家中！

 

 

当年“有线帮”过档后个个发展不俗，尤其在拍剧方面，几乎是剧接剧演出，反而6号甚少拍剧机会，但他坦言自己没有比较：“我enjoy嘅舞台系做主持司仪，根据小道消息，如果唔计呢几年因为疫情，做主持、司仪嘅收入真系唔错，好似森美、Bob（林盛斌）同Mayanne（麦美恩）吸金都吸得好劲。”他更说：“𠮶阵喺有线返工系好稳定，一定会有嘢畀你做，只系期望几时放大假，去边度旅，收入系唔错同稳定。啱啱过去都有压力，好多嘢都要适应，JOB都少咗，而且都要洗吓底，开头就做J2节目先，我都系畀心机去做，总之做大节目、细节目都做好晒资料搜集，做好功课先开工。”

6号又直认过档初期人工一定有减：“做咗大半年之后开始慢慢有好转，不过转捩点一定系同肥妈拍咗个节目《食平D》，真系帮到我入屋，令到观众、太太同小朋友认识我。𠮶阵系监制揾我，肥妈喺无线做过一辑《揾食》，第二辑想加个男仔入去，虽然我哋之前有合作过，但系唔算系好深厚合作，以前喺有线好惊佢，佢出嚟有大家姐风范好有霸气，新人𠮶时见到佢要恭恭敬敬，唔会讲多两句嘢，喺TVB头两年同佢合作仲系惊惊哋，之后肥妈鼓励我，叫我自由发挥谂吓点样玩，唔知点解啲观众好钟意睇肥妈虐待我，真系好变态。”

不过曾几何时，6号最初都有幻想过自己会拍剧：“照照吓镜发现都系唔好嘞，好记得十几年前客串容祖儿、刘青云嘅《身娇肉贵》，饰演一个店舖经理嘅物体，同刘青云有对手戏，事前好紧张，又背好晒对白，点知拍咗2、3个take后，刘青云同我讲‘6号，你系咪做电台㗎？你讲嘢嘅语气同节奏好似一个主持同DJ’，𠮶吓好似一盆冷水淋咗埋嚟。”

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。