世界杯2022｜专栏：背城唔一定借到嘢

痛心疾首几十年嘅英格兰迷，将足球带返屋企之心再次跳动；巴西史上首次有一队逼抢嘅球星，推翻多年形象，Respect。

前晚热门之一葡萄牙出战，球证送个十二码畀失机频频嘅C朗拿度开斋，呢啲争议性判决，从不缺席任何赛事。平时成日阻住全世界庆祝入波嘅VAR，喺呢个全世界等佢伸张正义嘅时刻，居然“笠水”唔出声。而当时直播台嘅唔知边把声，话“球证系咪可以主动睇VAR呢？”我真系即刻笑咗。呢句说话唔单止反映对VAR嘅错误认知，更系逻辑上嘅错误，主球证只会在“肯定”系犯规时，才会吹十二码，要一个“肯定”嘅人去主动质疑自己系咩玩法呢？我都系听番《实况好波》，刺激又热闹，0:0闷波都唔怕。

阿根廷输畀沙特阿拉伯之后出线机会不乐观，对住世仇墨西哥，即使背城都未必可借到一。推介让球下盘“+1”，但我又觉得波兰唔掂，谂谂下不如买多少墨西哥、沙特阿拉伯出线，当复式二重彩咁买都几好。马高

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。