独家丨陈庭欣公开私藏照360度靓Body任睇 星马泰生日Trip十亿男友操刀影靓相

10年港姐冠军，陈庭欣（Toby）Keep住33C靓body，次次出埠都影泳衣相派福利。月前，陈庭欣35岁生日，10亿男友杨振源（Benny）精心策划一个星马泰豪华旅程，作为生日礼物𠱁女友开心。今次Benny唔只包机票食宿仲包埋影相，男友视角下，Toby Show尽滑溜“蜜桃胸”，以及冇半滴多余脂肪的靓Figure！记者赞Benny影得好，Toby就唔多认同：“Benny影相真系麻麻地，系靠蓝天白云搭够。”采访：方骞平

男友视角下陈庭欣狂著唔同款式的三点式晒太阳，蜜桃胸晒到有两截色。

陈庭欣拥有33C、22.5、34完美身形，简单摆个Pose配蓝天白云，好靓呀。

陈庭欣跟男友拍拖4年愈爱愈高调，之前趁东南亚开关，Toby就带住7套sponsor靓泳衣同男友出走泰国布吉岛、大马浮罗交怡及新加坡，除口罩疯狂同阳光及海滩玩游戏，Benny仲做埋私人摄影师帮Toby影靓靓写真，Toby就精挑多张靓相畀《星岛头条》读者，更性感嘅当然私藏慢慢欣赏。

陈庭欣出名身材靓，呢张背影图Figure几正。

食二人份嘅甜蜜浮水Lunch前，影张靓相先。

Toby话男友影相麻麻哋，都唔系呀，睇吓影到对脚几长。

呢张在水中央的Toby，好有写真集封面Feel。

投诉男友影相麻麻

Toby化身Model，任由男友360度，由上至下拍摄唯美写真，其中Toby穿上火红色三点式泳衣，置身泳池边轻托太阳眼镜的靓相，白雪雪“蜜桃胸”非常Bling Bling，Toby表示：“其实今次唔系特登去影写真集，每款泳衣都系影咗两三张，好快就影完，因为我想enjoy吓个环境。”她又带笑“投诉”男友：“有两个香港朋友一齐去𠮶几日影啲相会靓啲，Benny影啲相真系麻麻哋，不过，𠮶度阳光与海滩好靓，就算乱咁影，天色都可以搭够，我最钟意系望住个海。”

Toby庆幸期间有两个邻居一齐join tour做电灯胆，都多对手及多个口影相及食嘢。

男友为Toby准备玫瑰花及大餐庆生，好甜呀。

非常合拍感情大增

对于被封“性感女神”，Toby坦言对身形有一定要求：“因为今次食得太多，去完呢个trip唔fit喇，要加操。”她承认疫情下冇得去Gym Room，又要戴口罩做运动，个人会懒咗，又提到随住年纪渐大，每日至少花半小时做运动，好彩身形仲keep得住。

日落时，Toby同男友手拖手于浮罗交怡沙滩漫步。

男友安排她住瑜伽。

旅行食多咗，Toby回港后要加操。

Toby最爱当地嘅胡椒辣蟹，食到停唔到口。

星加坡留倩影。

Benny花心思为Toby安排生日trip，如在布吉岛的Resort体验瑜伽及冥想，又准备玫瑰花及生日大餐，Sweet到爆灯！问到系咪好事近?Toby坦言两人在此行有增进感情：“因为大家都玩得开心，我哋都钟意水上活动及晒太阳，但就唔系高调放闪，总之系正常拍拖咁，Po吓旅行开心相。”Toby又笑言每年都会传婚讯，强调，“都唔系，真系好奇怪。”

陈庭欣写真相。

陈庭欣最爱美食。

冋男友到乐园狂欢。

陈庭欣三年冇去旅行。

有10亿身家的Benny家住九肚山豪宅。

每年都传过她“升呢”杨太，她反而享受目前甜蜜开心生活。

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。