独家丨蔡枫华自资6位数开Show最嬲被封“癫王” 委屈20年：我冇精神病

61岁蔡枫华(Ken)自资6位数于下月21及22日在荃湾大会堂举行《情深永记演唱会》，最贵VIP位盛惠$780，尾场门票已售罄。入行43年的Ken坦言对被封做“四大癫王”耿耿于怀，强调从来冇精神病亦冇睇过精神科医生：“唔做天王唔紧要，话系癫王就好离谱，会影响人哋事业，有冤无路诉。”委屈20年，他向《星岛头条》申冤，承认要靠食安眠药入睡。采访：方骞平 摄影：谭志光 场地：北角海逸酒店

蔡枫华接受记者访问时做定功课，状态大勇，话要提自己答得风趣啲㖞。

Ken话家楼市回落想买铺买豪宅，好有抱负。

他叮嘱记者写好啲，多提演唱会。

访问当日行色匆匆，蔡枫华跟女助手快做访问一小时后截的士转场。

访问当天蔡枫华变得好精灵，因为唔想有负面报道。

离别时仲同记者讲拜拜。

街上冇乜途人发现阿Ken呀。

蔡枫华虽然发咗福，但步履轻盈。

蔡枫华20年前到特首办，扬言有文件要特首签名，但被警员阻止。

近年Ken心情变得开朗，他坚持喺疫情下需要发放正能量，开Show唔系为赚钱系为开心。他表示1983年成立歌富制作，以往除咗为自己，亦曾帮过张国荣、梅艳芳、陈慧娴等开Show，凭经验唔觉系冒险：“防疫经已成为港人常态，大家唔会再恐慌，唯一担心中咗就开唔到show要‘回水’，所以10月开始要闭关。”

对上一次蔡枫华开演唱会系2018年，之后受疫情影响延至下月开骚。

蔡枫华睇准疫情缓和时机，自资6位数开个唱。

10年前蔡枫华喺红馆举行《情陷红馆演唱会》。

蔡枫华生日有忠粉献吻。

呢个坚呀。

澄清冇畀电视台封杀

Ken又忽发奇想，最想邀请合作过的钟楚红、翁静晶及庄静宜做演唱会嘉宾，提到歌单时就闹爆啲KOL：“其实乜人都可以做KOL，佢哋讲娱乐秘闻呃到几十万个Like，啲料咪系读报纸，点知秘密啫？佢哋仲好权威话‘Ken得两首歌！’讲笑咩，我有百几首歌《爱不是游戏》、《绝对空虚》、《倩影》、《也许》，真系好鬼嬲。”他事先张扬个唱将演绎故友陈百强的歌，张国荣嘅歌就冇拣到，佢强调唔系放不低“一杀那光辉不是永恒”事件：“呢件事忘记咗好多年，唔好误会我，我同哥哥一啲嘢都冇，只系要拣啲合适嘅歌唱。仲要澄清埋我当年冇畀电视台封杀，否则就拍唔到跟郑裕玲、任达华合作嘅剧集《种计》。”

当年蔡枫华喺《劲歌金曲》失言，吓亲卢敏仪。

当日现身哥哥丧礼成为传媒焦点。

好穷想买九肚山豪宅

记者多番追问蔡枫华在疫情下点维持生计，佢就咁答，“都有好多工作嘅，好似写书出自传会赚到钱，我仲会写歌及返内地发展，同几间公司倾紧合作嘢…但我冇钱好穷，冇10层8层楼喺手，家离开我目标好远，但唔畀我有志愿㗎？我睇中咗九肚山一个单位，以我年纪冇得上会，谂紧一炮过买起佢。”他又发挥大智慧，好权威地表示美国加息，“目前乜都唔好做留住啲Cash。”

蔡枫华不时返内地disco做骚赚钱。

问记者做唔做佢女友

过咗花甲之年的Ken形容自己系一个快活老实人：“如果讲大起大跌我一定攞金牌，最红时因失恋喺飞机上闪过自杀念头，但人生匆匆几十年，多钱少钱、红同唔红都系咁，但我唔难受，仍有好多人支持我呀，到咗呢个年纪你以为我仲系傻瓜？人哋屈我系‘四大癫王’，我绝对唔系，呢十几年用行动嚟洗脱咗，啲人乱讲嘢侮辱人，人哋有大好前途真系会影响事业㗎！”他强调从冇精神病及睇精神专科：“因为工作太忙食过安眠药争取休息，呢行10个有10个都食啦，边个做主角唔辛苦？但快乐。”另外，阿Ken自爆感情路上绝对空虚咗10几年，当追问择偶条件时？他口花花对着记者
说：“你有冇兴趣做我女朋友呀？咁我同你发展吓…讲笑啫，几十岁你估我系汤镇业咩？以前娶妻求靓女，家娶妻求淑女。”估唔到Ken跟得几贴，连63岁汤镇业再娶嫩妻都知道。

2002年蔡枫华表示失窃，送院检查时仍带墨镜。

当年唱片大受欢迎。

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。