独家丨泳儿获张敬轩主动教导点做星 自认精神分裂容易跳掣

泳儿最近推出新歌《18部半》外，还将于10月2日举行《Breaking Live 2022》演唱会，为这几年暗黑曲风作总结。今次演唱会似电影一样以故事形式呈现，泳儿希望畀到大家耳目一新感觉。提到早前做直播被封为“乐坛社工”的张敬轩搞喊，泳儿笑言有被辅导感觉，更感激师兄不时主动提点教她点样做星。采访：杜杜 摄影：谭志光 发型：Zivyeunghair@leonardo3 化妆：木子维纳Vena 服装：AlexanderWang from Harvey Nichols HK 场地：sloth.cafe.hk

泳儿现在最担心疫情影响演唱会进行，所以练歌都会照戴口罩。

新歌叫《18部半》，因泳儿已推出过18张唱片，而内容就讲她近年性格变化“我性格上有啲走向精神分裂，我一向畀人感觉好静，但我唔系咁钟意静，可能有啲人觉得我多愁善感，但系我会对好多简单嘅嘢好雀跃，我好似跳跳哋掣咁，可能每个人都系有呢种分裂喺里面未爆发出嚟，首歌就系写呢样嘢。”

新歌《18部半》，泳儿都有新尝试就系跳舞。

《18部半》MV中，泳儿有很多不同造型。

演唱会似睇电影

创作新歌泳儿投入度好高，今次制作演唱会更加全情投入，她强调今次演唱会是观众以往未必见过的类型，“以往可能会唱一啲好想泳儿唱嘅代表作，但基于我呢几年有好多唔同经历写咗喺呢啲歌里面，佢哋全部都可以构成一个故事，喺呢个演唱会里面演绎出嚟，所以呢个演唱会入场就好似睇一部电影咁，唔会系一般大家入场睇演唱会嘅气氛或者流程，希望同观众可以好同步，同呼同吸咁带住大家个情绪去走，好似一个旅程。”

泳儿今次《Breaking Live 2022》演唱会，将由暗黑系列唱片班底制作。

海报睇落有型，原来拍摄时泳儿都要几辛苦。

泳儿再为《声梦传奇2》任导师，可惜决赛跟演唱会撞期未能出席。

为了宣传演唱会，泳儿早前开直播跟粉丝分享，张敬轩突然现身，送上鼓励说话时更搞到她爆喊，令轩公被网民封为“乐坛社工”，她不但认同仲笑言觉得当日似打了去辅导热线，“𠮶晚都有呢个感觉呀！哈哈！我好眼浅，佢又提返起我呢几年经历咗啲乜，我𠮶刻又谂起咁辛苦行到呢步，开到个梦寐以求嘅演唱会，佢又一轮嘴咁讲，都有被辅导嘅感觉。”泳儿又赞轩公好细心，私底下都有不时提点她，“佢讲过自己要最着紧自己嘅嘢，唔可以太过依赖其他人，呢样嘢都令到我有反省，尤其啱啱出道时真系好依赖，佢教我要主动啲，唔好咁被动，唔系要质疑人哋，而系点样去表达自己嘅想法。”

泳儿开直播时，轩公突然现身鼓励，令她爆喊。

张敬轩刚举行的演唱会，都有邀请泳儿出任嘉宾。

泳儿为演唱会有好状态，会努力调节好作息时间，因之前太夜瞓。

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。