Kelly Online｜旅游主持梁彦宗自备水杯买饮品遭店员白眼 “喺香港讲环保好似做错事咁”

旅游主持梁彦宗在其社交网站帖出千字文诉说自己两周前在茶饮店的经历。他指当天带环保杯到店，当时无人排队，落单时攞只杯畀店员时，店员先以佢只杯唔够大为由，再以因疫情关系为由唔接受自备杯，却被梁彦宗眼利发现收银机旁边贴住“撑自备杯！”、“绝胶”字样，为免自打嘴巴，店员再唔好意思推却，勉强将梁的杯递给负责整饮品的店员。

惟有关店员一直用晦气嘅语气同收银嘅同事讲“自备杯有几麻烦”，“哗呢啲杯牙（呀）”，“哗杯嘢仲有芦荟添，点摆得落呀？”梁没好气等杯嘢饮出嚟，因闩盖时有小小奶盖漏出，他用一句话原本谂住打圆场“哗果然系好足料呀下”结果店员即刻入位，“所以咪叫你唔好用呢啲杯囉，又唔够大，xxxxxxx......”持续晦气。梁就觉得好受气。

梁彦宗在社交网页讲述责茶饮的谷气经历。

除了茶饮店，他说有时拿食物盒去买外卖，收银员会同佢讲“师父（傅）唔肯装”。事件只是冰山一角，令他联想起全港唯一饮品纸盒回收厂冇得续约一事。他直言“唔系净系management（管理）问题，从来喺呢个城市讲环保，无论系宏观定微观层面，障碍都系多过Spartan Race（深受欢迎的体能竞赛），莫讲话做回收生意，或者弱弱地呼吁人谂下减废，净系日常生活想自己环保啲，都困难重重，仲要经常冒住俾人冷嘲热讽嘅风险，喺香港讲环保，好似做错事咁。”

贸发局“美食博览”有免费环保餐具租用服务。资料图片

贸发局“美食博览”有免费环保餐具租用服务。资料图片

但他强调会在其可行的范围下继续做认为对的事，因为真是不是做错事，“我知道好难全部人都好环保，我只系希望个社会唔好将啲想自己环保少少嘅人当走犯咁敌视，你可以话一个人用少个盒差几远，但系唔好否定一个人想用少啲啲资源嘅意识。”他最后语重深长表示“希望纸盒回收厂可以揾到适合嘅地继续经营啦”，环保不是错事，大家又会唔会出一分力做好自己本份呢?

有网友就分享自己去连锁快餐店买咖啡的经历。“我好耐之前去M记买咖啡，就系咁，佢用只胶杯冲完再倒落我只咖啡杯到，我睇到凸晒眼。”

讲起环保，网友都呻“系辛苦呀，成日要主动乞求走袋走饮管，仲惨过要店员做啲乜咁，根本成个社会就缺少减废减排意识！”、“正如屋苑有分类回收筒，但到最后清洁工都系将佢哋捞埋普通垃圾一齐处理。喺香港要讲环保，路还很长...... 但唔好放弃，系啱嘅事就要坚持。”

有网友亦坚持冇做错，“环保从来不是标奇立异，应是每个人的责任，大自然提供资源俾人类去生存，自然就要保护番个环境， 香港缺乏环保教育，反对环保嘅人又毫无国际视野，所以就标签咗"环保"系麻烦同只系有班人得闲无野（嘢）做咁。”

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。