独家丨黄凯芹再开红馆骚被MIRROR惨剧吓亲 半夜扎醒:成脑意外画面真系好惊

昔日嘅“情歌王子”黄凯芹（Chris）经已“登六”，月前由加拿大返港，为本月17日再登红馆举行《细听．黄凯芹35周年演唱会》做准备。由于MIRROR演唱会发生严重意外，Chris坦言有好大心理阴影，甚至半夜扎醒，成脑都系惊吓画面。另外，Chris的私生活一向低调，不过今次就向《头条娱乐》首次披露家庭状况及跟“玉女掌门人”周慧敏的CP之谜。采访：方骞平 摄影：朱伟彦 头发：Paul Chow at i i hair salon landmark 化粧：keikei 场地：The AIR (The ONE)

Chris阔别红馆舞台10年，期间5次入纸申请被拒。

Chris阔别红馆舞台10年后再开骚，期间先后5次入纸申请都被拒，最终在入行35周年前得知终有档期，觉得好有意义，更形容如同中到公屋大单位咁，Old School得嚟都几好笑！但由于发生MIRROR演唱会事故，佢都几提心吊胆。但事先张扬个骚会好精彩，唱尽所有热门及冷门歌曲共40几首，不过，特别提示观众唔好带灯牌入场，以免射亲喺舞台角落做紧嘢嘅工作人员出意外。

Chris对MIRROR演唱会发生严重事故觉得好不安，开Show都提心吊胆。

10年前红馆Show，Chris同dancer激吻。

因为等唔到红馆，去年Chris於戏曲中心大剧院开show。

只开一场。

意外画面全入晒脑

虽然Chris唔太熟识MIRROR，但睇完意外片段都吓亲：“呢件不幸嘅事对所有舞台演出者嚟讲都系一个阴影，我睇完都吓咗一跳，个画面真系好惊吓，半夜瞓醒只系得呢个画面，会一直问：‘点解会咁嘅？’呢个画面成日喺我脑入面，真系好惊，作为表演者、舞蹈员，甚至观众，头顶冇可能冇灯槽，唔好话大到600KG电视屏幕，就算跌一粒螺丝后果都好严重，所以到时都会不时抬头望，只希望当晚参与嘅表演者、观众及意外伤者尽快康复，吉人天相。”

因为MIRROR演唱会严重事故，Chris坦言好大心理阴影。

歌坛玩法已唔同晒

问到如何克服心理障碍？Chris话尽量放开怀抱，唔好自己吓自己：“只能交由专业团队处理，啲人话最危险嘅时候，大家警剔性会最高。”Chris曾踩过4次红馆台板，见到有危险位就要提出，所以过往喺舞台上最多发生过忘记拉裤炼及爆呔等瘀事：“可能MIRROR比较年青，除咗冇乜舞台经验，亦冇乜话语权。”

2004年Chris红馆个唱，担任表演嘉宾嘅黄伊汶在台上跟他玩“女上男下”。

早喺20年前，Chris经已喺演唱会中晒肌。

Chris又表示无意再战乐坛：“去到咁嘅年纪，我又唔系为名为利，只系喺能力范围内，满足吓自己，我随时可以放低。”他指时下唱歌玩法同以前唔同晒，经已变咗质，他不吐不快：“除咗传媒操守唔同咗，?家要买节目时段及免费做音乐会先肯播歌。”

1988年，Chris同“玉女”柏安妮合作做港台节目《听歌学英文》。

11年前，Chris从加拿大回港后跟忠粉聚会。

同周慧敏电邮联络

提到黄凯芹曾为周慧敏度身创作情歌《情未了》，多年来流传Chris最爱周慧敏，Chris冇否定：“当时边个唔钟意佢？我同佢喺舞台上，的确系非常好嘅最佳拍档，无可厚非钟意同佢喺舞台上合作，咁算唔算系缘份呢？而且我哋识于微时，大家经历一样系资深朋友。”由于Chris只会用Email跟外界沟通，所以周慧敏一直用此方法联络他：“佢成日同我分享以前啲短剧旧片，但我都好少睇返，偶然睇到就睇吓。”另外，对于他的神秘家庭状况？Chris形容自己并非处于金鱼缸，畀大家睇住佢点游嘅艺人：“所以冇乜好讲，我咪人一个，冇乜特别，学习过啲开心生活。”

2006年，Chris担任周慧敏个唱嘉宾，仲亲吻佢。

当年于加拿大一个歌唱比赛中，Chris和周慧敏跟前辈罗文及杨燕聚头。

2006年被本报拍摄到家住愉景湾的Chris，带住两名只得4岁左右嘅混血男孩生活。

星岛头条App 经已推出最新版本，请立即更新浏览更精彩内容。

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。