麦当娜意大利过64岁牛一囡囡锡晒 狂啜男模条脷兼舔乳头玩到好癫

国际级乐坛天后麦当娜（Madonna）冇话退休，仍然活跃歌坛同社交网，之前为贺出道40周年推出精选唱片《Finally Enough Love》，成绩相当唔错，证明仲系好多人听佢唱歌。

本周二（16日）系麦当娜嘅64岁生日，喺意大利西西里岛跟《神探福尔摩斯》导演佳烈治（Guy Ritchie）所生的儿子Rocco庆祝完22岁生日，就轮到同自己开生日P，知道麦婶婶一向贪玩最钟意开P，换上黑式喱士低胸连身裙及戴住白色帽嘅寿星女，绕住17岁养子David Banda出场。

 

之前同大仔庆祝生日。

轮到自己开生日Party。

17岁养子David Banda绕住阿妈出场。

系咁跳舞。

跳到坐地下。

 

又饮又食又跳舞，去到切蛋糕环节，High足全晚嘅麦婶婶收到橱窗人型Display蛋糕，大女Lourdes搞啱时间现身陪阿妈吹蜡烛，又同阿妈饮酒兼锡锡妈妈，由于阿女件衫又松又低胸，仲好似疑似露点㖭。

 

个蛋糕好别致。

大女现身揽揽妈妈。

同阿妈碰杯再锡锡。

大女唔化超浓妆都几好样。

10岁双胞胎养女Stella和Estere，三母女着到瓷器咁。

 

咪以为麦婶婶一把年纪，佢仲好紧张乐坛，接受杂志访问提到流行乐唔系得佢一个人做，强调“我不能将所有功劳都拎走。”仲对未来好有抱负，表示揾紧人帮佢提升去新水平。当然内容仲有好多，但重点系辑相，一班型男索女开晒P，戴住粉红色假发嘅麦婶婶同黑人男模玩脷叠脷，又狂啜对方条脷，甚至瞓喺男方身上锡对方乳头，第二个做会觉得好丧，麦当娜咯㖞，不惊讶。

 

麦婶婶啜到食雪条咁。

仲舔乳头，好色色。

脷叠脷，影相啫。

呢个阿婶好癫。

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。