人口贩卖｜连登仔阻细佬跟网友去泰国反被闹 母痛心：真系唔想你有事

近日爆出多宗被“卖猪仔”到柬埔寨等东南亚国家的诈骗事件，其中本港保安局更由今年1月至今累计共收到23名港人求助，情况令人关注。网上最近亦有多人爆料，指身边有朋友或家人受高薪诱惑险堕入陷阱，幸及时醒觉才逃过一劫。有连登仔昨日出post分享，指弟弟与他口中“好熟”的网友前往泰国，纵使家人多番相劝亦冷淡回应，甚至“起晒钢”表示：“我同我啲朋友好熟㗎！唔会呃我㗎！”

连登一名叫“喂乜咁啱嘅”网民昨日出post，主题为“我细佬准备同佢口中好熟嘅网友飞泰国”。他表示，毕业逾一年的弟弟平日游手好闲，经常与网友或朋友在家中打机，又声称要立志做电竞选手或者直播主，大约数月前，弟弟与网友计划到泰国旅行，“讲到话咩佢呢个网友喺泰国有识人，可以带佢周围玩，佢仲问我要唔要一齐去，话佢班朋友好welcome，我𠮶阵就话咪搞我又唔系我嘅朋友，几个星期前我细佬就买咗机票搞咗passport 。”

楼主指弟弟是家中的“宝贝仔”，对家人脾气比较大，除了他全家人都没有人出声闹弟弟。他见到近日台湾相继出现与柬埔寨相关的诈骗新闻，甚至连香港都有受害者，于是好言相劝，希望他可以及早回头，“我send畀佢睇，佢覆咗我一个‘？’，我老母呢两日睇到新闻，系咁阻止我细佬唔好去，但佢嘅反应都系讯息不读不回，面对面讲就起晒钢咁。”根据楼主上载的相片，其母亲更在讯息内表示“个个都劝我劝你不要去，个个系咁畀片我，我老了又细胆，妈咪心血少，咁辛苦养到你们咁大，真系唔想你哋有什么事”，但弟弟亦一概不回。

楼主又指弟弟曾向家人表示“我同我啲朋友好熟㗎！唔会呃我㗎！”、“系泰国都有朋友，惊乜？”、“已经买咗机票啦，唔通点，啊？”等，基本上油盐不进，“呢几日屋企就一定日日嘈㗎啦，我个角度系就算真系百分百安全都好，要个老母求佢唔好走，每日要提心吊胆畀佢去玩，未去到已经失哂眠，系我嘅话真系唔好去算…全世界都阻止紧，讲到口都臭埋，不过佢心口写住逆风而行向阳而生咁，打死都仲要”。

他又指弟弟性格“懒醒”，会与所有人讲自己所发生的事，其朋友圈子亦“好鬼”，故觉得与他的同行朋友亦不怀好意，“佢有提过之前俾朋友呃钱，又见过佢间中借几千蚊畀人，身边发生乜事又会一五一十同晒人讲。原本都觉得佢只系去玩，但发现佢啲所谓朋友好似唔系真系咁熟，我就有啲惊。”

一众网民认为楼主细佬根本不理他人的好意，完全无可救药，“烧咗佢护照留佢喺香港，佢都会怨你同屋企人成世，以为你哋害咗佢”、“同佢讲定屋企人无钱畀赎金，呢啲系要靠生活经验锻炼下先会成长”、“就算唔识，我都会闹到佢醒为止，宁愿佢怨你一世，都好过无咗条人命”、“到时出事咪又系烦你同你屋企人去救佢”。

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。