独家丨Lucy妈澄清冇Delete个女IG 因唔够秤被暂时取消:努力尝试向IG攞返Account

李璨琛（Sam）同老婆梁志莹（Sophia）的4岁囡囡李元元（Lucy）在网上人气极高，其IG有逾38万Followers，当然Lucy咁细个唔会识经营社交平台，好明显由佢阿妈，即自称李老母嘅李太操刀。

 

Lucy好多Fans㗎。

Lucy去年登上“2021香港社交媒体风云榜”头十名，网民钟意全因Lucy妈营造Lucy成为“麻甩LU”，最钟意将囡囡丑态放上网，又公然笑个女肥、冇颈，又试过将个女个头Key落鸡身，网民已多次批评Lucy妈用词不当，甚至于讨论区开帖文，“唔好咁样话个囡”、“呢个世界真系乜人都有，咁样笑自己亲生女，仲要摆上网”、“开始觉得佢个女好惨”、“个女第时大个，实被同学笑到面都黄”但都唔够最近嘅Po离谱。因为Lucy身穿白色红心图案裙仔加闪令令高跟鞋，坐在椅子食嘢，Lucy妈竟然笑个女系庙街流莺：“喂呀你可唔可以着番好对鞋先再讲呀，你咁样系唔会有客㗎。”此PO一出已被连登仔出Po疯狂围剿，有指群情太胸涌，搞到Lucy妈急删Lucy的IG帐号避一避。

就系呢个庙街流莺Po。

喊到走样。

低炒吓人。

Lucy妈好钟意Po个女嘅失控喊样。

Lucy大个睇返唔知有咩反应。

借教个女功课笑李璨琛英文同数学差。

影个女肥腩。

Key个女个头落鸡身。

不过，一向好胜懒理网民投诉的Lucy妈已在个人IG澄清，“其实呢我本人就冇delete度lucy个account，系因为lucy is not old enough 㖞?而比IG suspend咗个account。处理中处理中，大家稍安毋躁??❤️☺️ ”hashtag就话我哋大家一齐念力希望个account可以早日重见光明，“ #LUCY会继续喺度见大家??”。

Lucy妈冇Delete IG呀，暗示冇放网民在眼内。

据知因为当初Lucy妈咪用咗Lucy个生日年份开IG，而家IG有新规例，未够年龄唔可以开IG，所以就比IG 暂停咗帐户。而Lucy妈就回复“星岛头条”：“我哋会努力尝试向IG攞返LuLu个Account㗎喇！详情可以睇我IG。”

而一众Lu粉就表示吓死，以为从此冇得睇Lucy，睇完李老母留言即刻安乐晒，“睇唔到我lulu猪我心情低落左成日”、“好大件事呀！ 老母你要努力呀吓！几十万个老母都好不安㗎”，但亦有大量网友戥Lucy惨，“而家根本就系佢阿妈网络欺凌自己个女”、“痴X线未见过有老母公然话自己个女系鸡。”

 

吓亲Lu粉。

Lucy教徒。

第一个留言好正。

 

连登仔出Po闹Lucy妈。 ​

对于Lucy妈取消IG，网民觉得系好事。

大家认唔认同?

我都未见过。

 

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。