独家丨张继聪拒邀老婆上台:佢都冇请过我做嘉宾啦 平反“废柴老公”自资70万出歌开骚

等咗7年，42岁嘅张继聪宣布将于10月15日，在麦花臣场馆开《Welcome to Route 37》演唱会，仲会陆续自资出新歌配合“回归”音乐之旅！阿聪形容自己系中年人，夹喺MIRROR及张敬轩中间。回想当年被杂志大字标题写系“废柴老公”，阿聪坦言心灵受创，幸得长辈开解，令他置诸死地而后生，因此也特别关顾年青一辈，尤其MIRROR：“今次嘅嘢冇人经历过，想像唔到佢哋嘅伤害有几大！”采访：方骞平 摄影：罗安强

因为经历过高低潮，张继聪目前会做自己想做嘅嘢，总之对得住自己就得。

两公婆多年嚟都sweet到爆。

阿聪7年前曾经喺九展举行处男演唱会。

张继聪再战乐坛有段故，原来他本打算专心做演员，一早已收埋所有结他，直至两年前爆发疫情，因为留家抗疫好无聊，加上当时正值40岁，令他突然叮一声有唔同嘅睇法，“我哋呢个年龄层嘅经历，年轻人未必会明白，但又冇乜歌表达到中年人嘅情感，所以我自资做歌，单系制作7首新歌连MV，就算悭住使最平夹埋要70万，既然能力负担到，当系送畀自己及知音人嘅礼物，最多唔买电自行车。”

张继聪再唔介意啲人点睇佢，因为欣赏你嘅人就会支持你。

阿聪曾收埋家中结他唔再唱歌，希望专心演戏。

张继聪宁愿唔买电自行车都投资来唱歌。

阿聪视拍戏为本业，然后努力赚钱做歌。

出歌冇谂过攞奖

由于本业系演戏，唱歌对阿聪来说冇压力，更加冇谂过要攞奖，讲到明用嚟自High：“中年人都钟意听歌，做Show又好好玩。”他又直言老婆谢安琪(阿Kay)都好支持他玩音乐：“老公都唔支持，佢支持边个呀？每个人都有兴趣，所以你哋要买飞入场嚟支持我呀！”不过，阿聪强调唔会同阿Kay喺演唱会上合体：“我哋都抗拒，冇乜好睇啫，佢开咗咁多次演唱会都冇请过我做嘉宾啦！其实我成十年冇开show，我先至系自己演唱会嘅嘉宾，反而想佢喺后台打点，同埋喺台下专心欣赏，返到屋企畀个‘赛后报告’我。”

谢安琪好支持老公。

张继聪和谢安琪育有15岁大仔张瞻及5岁孻女张靖。

阿聪推出了新歌《一个人的武林》。

张继聪带笑投诉老婆，开咗咁多次演唱会都冇请过他做嘉宾啦！

置诸死地而后生

07年，张继聪跟谢安琪奉子成婚备受批评，之后又被杂志以“废柴老公”作称呼并用作封面。“人生要经历呢啲，唔死先会去到另一个阶段，唔肯认系废，只好畀心机做好啲。不过𠮶段日子成个家庭都受伤害，边个父母想个仔咁畀人话？但冇𠮶段经历，唔会有之后嘅感受，之后做演员会易啲明白，更加学会Care人哋感受，唔会乱开玩笑令人受伤。”问到今时今日，系咪可以好自豪地平反“废柴老公”之名？他答得淡然：“?家点讲都冇所谓啦！钟意嘅人就会钟意你，我睇返自己20几岁结婚生仔算好劲，默默耕耘写歌，虽然系穷啲，但养得起老婆有乜问题？”因此，阿聪特别疼锡年青人：“佢哋可以随时揾我倾偈，就算工作，心理都要快乐。”

2007年，26岁嘅阿聪奉子成婚，当年还未有事业基础。

张继聪和谢安琪年轻时就算挨穷，都穷得开心。

阿聪演技得到认同，两公婆?家生活得到改善。

老婆谢安琪做model，力撑阿聪创立嘅时装品牌tee。

对于MIRROR演唱会事故，阿聪好担心佢哋有创伤后遗症：“佢哋梗系可以揾我(倾偈)，想像唔到佢哋嘅伤害有几大！件事真系好惨，唉！唔识讲呀！因为冇人经历过，不过佢哋好叻好乖，希望畀啲时间佢哋好好照顾自己，尤其唔好忽略自己嘅情绪。”

对于MIRROR演唱会严重事故，张继聪认为必须要关注佢哋嘅情绪问题。

合作拍ViuTV剧《季前赛》时，姜涛挑战阿聪打篮球。

 

张继聪同老婆仔女有睇MIRROR头场。

阿聪5岁细女张靖，喺幼稚园毕业典礼上大跳MIRROR成员卢瀚霆的《Megahit》。

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。