Locker染金发戴Colour Con突变型棍 岑珈其激赞：咁靓仔真系好咩

2016年，林家熙（Locker）凭电影《点五步》踏入演艺圈，2020年底加入网台“试当真”，入行6年Keep住有作品面世，当中有剧又有电影，虽然唔系做主角，但好多角色都好受欢迎，例如《IT狗》嘅富二代角色“开开”，仲系好记得。

 

Locker形象一向斯斯文文。

 

去年，Locker公开跟“试当真”成员吴家忻（Kayan9896）恋情，之后两人经常在社交平台放闪，又寓拍拖于揾钱，情侣档狂接广告，攞正牌亲热，羡慕死好多连登仔。

 

拍住拖揾钱最开心。

 

写咁多字都系为咗舖排讲Locker个新Look，佢形象一向无乜特色，唔知佢为新戏定自己想转吓形象，碌吓IG见到佢染咗金发，仲铲短晒头发兼戴埋Colour Con，成个Look好似啲戏入面企喺啲黑帮大佬隔离嘅百厌鬼仔咁，口多多𠮶只，总之几型棍，圈中老友都赞佢呀，好似丽英就赞佢有型，之前被人踩丑样嘅岑珈其就问佢：咁靓仔真系好咩？ANSONBEAN同卓韵芝都表示好欣赏。

 

成个百厌鬼仔咁。

 

新Look几衬佢。

 

发型的重要性。

 

圈中老友都赞好。

 

星岛新闻集团庆回归25周年专题网站，请即浏览

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。