七师傅唱笑会门票二手网平价散飞 贵价飞半价入手中价飞100蚊有售

七师傅凭主持ViuTV灵探真人骚节目《鬼同你上位》及《七救星》爆红，今日及明日分别于九展举行两场《师傅七都识唱笑会》，门票价钱分别为 $777、$577及$377 。

 

七师傅称骚前冇准备又冇练习，因练习会导致紧张，故昨日只系唸经修行及护肤。

 

七师傅今日出席拜神仪式，透露唱笑会反应热烈，门票一早售罄，上售票网睇，门票的确已Sold Out，佢仲话欠下好多飞债，惟有自掏腰包以高价购买门票再赠朋友，仲话一张飞最贵要两千几蚊，即系买炒飞啦。嗱，七师傅真系好识玩，一句说话就暗示自己受欢迎，仲有炒飞添。

 

售票网有SOLD OUT显示。

 

不过，七师傅会唔会俾人呃呀？二手买卖平台Carousell有大量唱笑会门票提供，仲要$777可买两张飞，即半价已可入手，贵价单丁位更加经济，放低200蚊就可入场，中价飞$577更只需100蚊，七师傅仲使唔使扑飞畀朋友呀？揾人教吓七师傅喺呢个网揾飞啦，唔好再畀人呃嘞，自己飞都要食炒价，仲要本身冇得炒呢。

 

二手买卖平台有好多唱笑会嘅飞。

200蚊就系买原价777蚊嘅飞。

呢个就800蚊两张，即系半价。

呢个都系200蚊就坐到贵价位。

呢个都系半价，777蚊就有两张。

呢个中价飞只需100蚊，平过睇IMAX㖞。

 

其实好多网民对七师傅开Show觉得不可思议，笑言“入场听佢Xup，车钱唔洗钱呀?”、“包一餐五星酒店自助餐或者可以去”、“免费都唔会去la”、“去如心广场食餐饭就有飞送”、“睇电视唔洗钱睇佢都ok，比钱点解要睇佢”，仲疑惑究竟咩人会入场睇？今晚咪知囉。

 

车钱都贵呀。

有无人因为咁而有飞?

呢个我可以。

驳唔到。

 

星岛新闻集团庆回归25周年专题网站，请即浏览

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。